ରିପୋର୍ଟ : ଧୃବରାଜ ମିଶ୍ର //
ସୁବର୍ଣ୍ଣପୁର , (୨୫/୦୨): ଗତକାଲି ବିଳମ୍ବିତ ରାତିରେ ସୁବର୍ଣ୍ଣପୁର ଜିଲ୍ଲା ବିନିକା ଥାନା ସମ୍ମୁଖରେ ଥିବା ସବ ପୋଷ୍ଟ ଅଫିସର ୬ଟି ତାଲା କାଟି ଦୃର୍ବୁତ୍ତ ମାନେ ଭିତରକୁ ପ୍ରବେଶ କରି ଚୋରୀ ଉଦ୍ୟମ କରିଥିଲେ। ଏନେଇ ବିନିକା ଥାନା ରେ ପୁଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଛି ।
ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ କେତେକ ଦୁର୍ବୁତ୍ତ ପୋଷ୍ଟ ଅଫିସ କୁ ପଶି କିଛି ଚୋରୀ କରିବାକୁ ଉଦ୍ୟମ କରିଥିଲେ ହେଁ ସଫଳ ହୋଇପାରିନାହିଁ । ଆଜି ସକାଳୁ ପୋଷ୍ଟ ଅଫିସ ରେ କାର୍ଯ୍ୟରତ ସୁଇପର ଗେଟ ଖୋଳି ଭିତରକୁ ପ୍ରବେଶ କରିବା ପରେ ଅଫିସ ର ତାଲା କଟାଯାଇଥିବା ଦେଖିବାକୁ ପାଇଥିଲେ । ପରେ ସେ ପୋଷ୍ଟ ମାଷ୍ଟର ସହ ଅନ୍ୟାନ୍ୟ କର୍ମଚାରୀ ଙ୍କୁ ଖବର ଦେଇଥିଲେ । ପୋଷ୍ଟ ଅଫିସ କର୍ମଚାରୀ ଆସି ବିନିକା ଥାନା କୁ ଖବର ଦେଇଥିଲେ । ବିନିକା ଥାନା କର୍ମଚାରୀ ପୋଷ୍ଟ ଅଫିସ କୁ ଯାଇ ତଦନ୍ତ କରିଥିଲେ ।
ତଦନ୍ତ ପରେ ସବୁ କାଗଜପତ୍ର ଠିକ ଥିବା ସହିତ କିଛି ଟଙ୍କା ପଇସା ମଧ୍ୟ ଚୋରୀ ହୋଇନଥିବା ଜଣାପଡିଛି । ପୋଷ୍ଟ ଅଫିସ ର ବାଡ଼ା ଡେଇଁ ଦୃର୍ବୁତ୍ତ ମାନେ ୬ଟି ତାଲା କାଟି ଚୋରୀ ଉଦ୍ୟମ କରାଯାଇଥିବା ଅନୁମାନ କରାଯାଉଛି | ପୋଷ୍ଟ ଅଫିସ ରେ ସିସି ଟିଭି କ୍ୟାମେରା ଲାଗି ନ ଥିବାରୁ ଡକାୟତ ମାନେ କେମିତି ଭିତରକୁ ପ୍ରବେଶ କଲେ ତାହା ସ୍ପଷ୍ଟ ଭାବରେ ଜଣାପଡୁନାହିଁ । ପୋଷ୍ଟ ମାଷ୍ଟର ପ୍ରହଲ୍ଲାଦ କୁମାର ପାଢ଼ୀ ଙ୍କ ଅଭିଯୋଗ କ୍ରମେ ବିନିକା ପୁଲିସ ଏକ ମାମଲା ରୁଜୁ କରି ତଦନ୍ତ ଜାରି ରଖିଛି । ଆଜି ଅପରାହ୍ନ ରେ ସୋନପୁର ରୁ ସନ୍ଧାନୀ କୁକୁର ଆସି ତଦନ୍ତ କରିଥିବା ବେଳେ ବଲାଙ୍ଗୀର ସାଇଣ୍ଟିଫିକ ଟିମ କୁ ଖବର ଦିଆଯାଇଥିବା ପୁଲିସ ପ୍ରକାଶ କରିଛି ।
