ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୨୩/୦୧) : ସୁବର୍ଣ୍ଣପୁର ଜିଲ୍ଳା ବିନିକା ବ୍ଳକ ସଭାଗୃହ ଠାରେ ବ୍ଳକ ଅଧ୍ୟକ୍ଷା ଦିପ୍ତିରେଖା ନନ୍ଦଙ୍କ ଅଧ୍ୟକ୍ଷତାରେ ପଞ୍ଚାୟତ ସମିତି ବୈଠକ ଅନୁଷ୍ଠିତ ହୋଇଯାଇଛି ।
ବିନିକା ବିଡ଼ିଓ ମଣ୍ଟୁ ଖମାରୀ ବୈଠକକୁ ପରିଚାଳନା କରିଥିଲେ । ପ୍ରଥମେ ବିନିକା ବ୍ଳକ ଜିପିଓ ଶରତ କୁମାର ମିଶ୍ର ପୁର୍ବ ବୈଠକର ବିବରଣୀ ପଠନ କରିବା ପେରେ ପୂର୍ବ ବୈଠକ ଉପରେ ଆଳୋଚନା କରାଯାଇଥିଲା । ଏହି ବୈଠକରେ ସ୍ବାସ୍ଥ୍ୟ,ପଶୁପାଳନ, ପାନୀୟଜଳ, ବିଦ୍ୟୁତ, ମହିଳା ଓ ଶିଶୁ ବିକାଶ ଯୋଜନା, ଶିକ୍ଷା, ଜଙ୍ଗଳ, କୃଷି,ଶିଳ୍ପ, ଉଦ୍ୟାନ ବିଭାଗ, ମତ୍ସ୍ୟଚାଷ, ଜନଜାତି ମଙ୍ଗଳ, ସାମାଜିକ ସୁରକ୍ଷା, ବିଭିନ୍ନ ଉନ୍ନୟନ ମୂଳକ ତଥା ଅନ୍ୟାନ୍ୟ ବିଭାଗ ଉପରେ ଆଲୋଚନା ହୋଇଥିଲା । ଏହି ବୈଠକକୁ ସମବାୟ , କୃଷି ,ଜଳସେଚନ ବିଭାଗ ଫକ୍ଷରୁ କୌଣସି ପଦାଧିକାରୀ ଉପସ୍ତିତ ହୋଇ ନ ଥିବାରୁ ବୈଠକରେ କ୍ଷୋଭ ପ୍ରକାଶ ପାଇଥିଲା ।
ବୈଠକରେ ବୀରମାହାରାଜପୁର ବିଧାୟକ ରଘୁନାଥ ଜଗଦଲା ମୂଖ୍ୟ ଅତିଥି ଭାବରେ ଯୋଗ ଦେଇଥିଲେ ,ସୋନପୁର ବିଧାୟକଙ୍କ ପ୍ରତିନିଧି ଅଶୋକ ନନ୍ଦ, ସାସଂଦ ପ୍ରତିନିଧି ବାବୁଳୁ ବିଶି ,ବିନିକା ଜିଲ୍ଲା ପରିଷଦ ସଭ୍ୟା ପ୍ରମିଳା କଲତା, ଜିଲ୍ଲା ପରିଷଦ ସଭ୍ୟ ବଶିଷ୍ଠ ଭରାସାଗର, ବ୍ଳକ ଉପାଧ୍ୟକ୍ଷ ନିର୍ମଳ ଷାଣ୍ଢ ସରପଞ୍ଚ ସଂଘ ସଭାପତି ରଜତ କୁମାର ପଧାନ,ଶଙ୍କରା ସରପଞ୍ଚ ଅଶୋକ ପୃଷ୍ଟି, କୁହିବାହାଳ ସରପଞ୍ଚ ସୁଦାମ ପଧାନ,ବିନିକା ବିଦ୍ୟୁତ ବିଭାଗ ଏସଡ଼ିଓ ଉଦୟ ଶଙ୍କର ପାଟ୍ଟଯୋଶୀ, ବିନିକା ରେଞ୍ଜର ଡ଼ମ୍ବରୁଧର ପଧାନ ସିଡ଼ିପିଓ ଲକ୍ଷ୍ମିପ୍ରିୟା ମିଶ୍ର,ବିନିକା ବିଇଓ ଲକ୍ଷ୍ମଣ ମିଶ୍ର, ଏବିଇଓ ହେମସାଗର କାଲସେ, ସମେତ ବିନିକା ବ୍ଳକ ୧୬ ଗୋଟି ଗ୍ରାମ ପଞ୍ଚାୟତ ର ସମିତି ସଭ୍ୟ/ସଭ୍ୟା, ସରପଞ୍ଚ, ବ୍ଳକ ସ୍ତରୀୟ ବିଭିନ୍ନ ବିଭାଗର ଅଧିକାରୀ ଓ ବିନିକା ବ୍ଳକ କାର୍ଯ୍ୟଳୟ ସମସ୍ତ କର୍ମଚାରୀ ଉପସ୍ତିତଥିଲେ ।
