ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୮/୦୮) : ସୋନପୁର ସହର ପଟାଭାଡ଼ି ର ବାସିନ୍ଦା ତଥା ପଟାଭାଡି ସ୍ଥିତ ଲୋକନାଥ ମନ୍ଦିର ପରିଚାଳନା କମିଟି ର ସଭାପତି ଗୌରୀଶଙ୍କର ପାତ୍ର ଏକ ନିଆରା ଢଙ୍ଗରେ ବାପାଙ୍କ ଶ୍ରାଦ୍ଧ ଦିବସ କୁ ପାଳନ କରିଛନ୍ତି ।
ବୃକ୍ଷରୋପଣ କରି ପାଳିଲେ ବାପାଙ୍କ ବାର୍ଷିକ ଶ୍ରାଦ୍ଧ ଦିବସ । ପରିବେଶ ର ସୁରକ୍ଷା ପାଇଁ ସମସ୍ତଙ୍କୁ ବୃକ୍ଷ ହିଁ ଜୀବନ ବାର୍ତ୍ତା ଦେଇ ପ୍ରତ୍ୟେକ ବ୍ୟକ୍ତି ଙ୍କୁ ଗୋଟିଏ ଗୋଟିଏ ଗଛ ଲଗେଇବା ପାଇଁ ଅନୁରୋଧ କରିବା ସହିତ ନିଜେ ପରିବାର ଓ ମନ୍ଦିର ପରିଚାଳନା କମିଟି ର ସଦସ୍ୟ ଙ୍କ ସହିତ ମିଶି ମନ୍ଦିର ପରିସର ରେ ଅନେକ ପ୍ରକାରର ଔଷଧୀୟ ଓ ବିଭିନ୍ନ ଫୁଲ ଗଛ ରୋପଣ କରିଥିଲେ ଓ ସମାଜ ପାଇଁ ଏକ ଅନନ୍ୟ ଉଦାହରଣ ପାଲଟିଲେ । ଏହି ବୃକ୍ଷ ରୋପଣ କାର୍ଯ୍ୟକ୍ରମ ରେ ମନ୍ଦିର କମିଟି ସଭାପତି ଗୌରୀଶଙ୍କର ପାତ୍ର, ପୁଅ ପୁରୁଷୋତ୍ତମ ପାତ୍ର (ପୁଲିସ କର୍ମଚାରୀ) ଙ୍କ ସହିତ ପରିବାର ର ଅନ୍ୟ ସଦସ୍ୟ ଏବଂ ମନ୍ଦିର ପୂଜକ ଦୟାନିଧି ବିଶି, ଶନି ମନ୍ଦିର ପୂଜକ ଅମରେଶ ପାଣିଗ୍ରାହୀ, ପ୍ରମୋଦ ପାତ୍ର, ଅଶୋକ କୁମାର ପଟ୍ଟନାୟକ,ଶଙ୍କର୍ଷଣ ମେହେର, ଦୁଃଖିରାମ ମିଶ୍ର, ଲୋଚନ ପ୍ରଧାନ, ତରୁଣ ମିଶ୍ର , ସଦାନନ୍ଦ ପାତ୍ର, ଦିଲ୍ଲୀପ ପାତ୍ର ପ୍ରମୁଖ ବୃକ୍ଷ ରୋପଣ କରିଥିଲେ ।
