ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୦୬/୦୧) : ରାୟଗଡା ଜିଲ୍ଲା କାଶୀପୁର ବ୍ଲକ ସଦର ଡମ୍ବ ସାହିରେ ଆଜି ଏକ ଅଭାବନୀୟ ଘଟଣା ଘଟିଯାଇଛି । ୭୫ ବର୍ଷୀୟା ବିଧବା ବୃଦ୍ଧା ମହିଳା ଘର ପୋଡ଼ି ପାଉଁଶ ହୋଇଯାଇଛି । ବୃଦ୍ଧା ଙ୍କ ନାମ ଜନ ନାଏକ ।
ବୃଦ୍ଧା ଙ୍କ ସ୍ୱାମୀ ହର ନାଏକ ଆଜକୁ ୩୫ ବର୍ଷ ପୂର୍ବେ ଦେହାନ୍ତ ହୋଇଯାଇଛି । ବୃଦ୍ଧା ଙ୍କ ଜଣେ ପୁଅ ଥିଲେ ଅରୁଣ ନାଏକ । ଯିଏ କି ଯୁବ ଅବସ୍ଥାରେ ହିଁ ମୃତ୍ୟୁ ବରଣ ହୋଇଥିବା ବେଳେ, ଦୁଇ ନାତି ନାତୁଣୀଙ୍କ ଦାଇତ୍ୱ ନେଇଁ ଜନ ନାଏକ ବହୁତ ଅଭାବ ଅନଟନ ପରିସ୍ଥିତିରେ କୁନି କୁନି ନାତି ନାତୁଣୀଙ୍କ ଲାଳନ ପାଳନ କରିବାର ବଝ ମୁଣ୍ଡେଇଛନ୍ତି। ସ୍ୱାମୀ ଓ ପୁଅ ଚାଲି ଯିବା ପରେ ହାତ ଉଦ୍ଧାର କରଜ ଆଣି ବୃଦ୍ଧା ମହିଳା ଜନ ନାଏକ ରାସ୍ତା କଡରେ କିଛି ପନିପରିବା ବ୍ୟବସାୟ କରି ନିଜ ପରିବାରର ଭକ ମେଣ୍ଟାଉ ଥିଲେ । କିନ୍ତୁ , ଆଜିର ପଡ଼ିଯିବା ଘଟଣା ତାଙ୍କୁ ଚାପ ଗ୍ରସ୍ତ କରି ଦେଇଛି ବୋଲି କହିଛନ୍ତି ।
ସଖାଳୁ କିଛି ଖାଇ ସାରି ନିଜ ବ୍ୟବସାୟ ପରିବା ବିକ୍ରୟ ପାଇଁ ଯାଇଥିବା ବେଳେ, ପୂର୍ବାହ୍ନ ୧୨ ଟା ସମୟ ମଧ୍ୟରେ କୌଣସି କାରଣ ବସତଃ ତାଙ୍କ ଘରେ ନିଆଁ ଲାଗି ଯାଇଥିଲା। ହୁଃ ହୁ ହୋଇ ନିଆଁ ବ୍ୟାପି ଥିବାର ଦେଖି ସାହି ପଡିଶା ଲୋକ ଦେଖି ତୁରନ୍ତ ଜନ ନାଏକ କୁ ଖବର ଦେବା ସହ ହାଣ୍ଡି ହାଣ୍ଡି ପାଣି ନେଇଁ ନିଆଁ ଲିଭେଇବାକୁ ଚେଷ୍ଟା କରିଥିଲେ। କିନ୍ତୁ, ବୃଦ୍ଧା ମହିଳା ଜଣକ ଘରକୁ ପହଞ୍ଚିଲା ବେଳକୁ ଘରର ଆସବା ପତ୍ର, ଧାନ, ମାଣ୍ଡିଆ ଭଳି ଖାଦ୍ୟ ଶସ୍ୟ ଓ ବସ୍ତ୍ର ସବୁତକ ଜଳିବା ସହ ସର୍ବସ୍ୱ ଜଳି ପାଉଁଶ ହୋଇ ଯାଇଥିଲା ।
ବୃଦ୍ଧା ଜଣକ ଘରକୁ ପହଞ୍ଚି ସବୁ ଜଳି ଯାଇଥିବା ଦେଖି ଦୁଃଖରେ ଭାଙ୍ଗି ପଡିଥିଲେ ଏବଂ ଭୋ ଭୋ ହୋଇ କାନ୍ଦିବା ଆରମ୍ଭ କରିଥିଲେ। ବୃଦ୍ଧା ମହିଳାଙ୍କ ବୋଝ ଉପରେ ଲଳିତା ବିଡା ଭଳି ଘଟଣା ସମ୍ପୂର୍ଣ ଡମ୍ବ ସାହିର ଲୋକେ ଏକ ପ୍ରକାର ମର୍ମାହତ ହୋଇପଡ଼ିଥିଲେ । ଉକ୍ତ ଘଟଣା ରେ ମର୍ମାହତ ପରିବାର ସହ କାଶୀପୁର ଡମ୍ବ ସାହି ସମାଜ ସଭାପତି ଶ୍ରୀ ଦିଲୀପ ନାଏକ କ୍ଷତି ପୂରଣ ବାବଦରେ ସରକାରଙ୍କ ଦ୍ଵାରା କିଛି ଆର୍ଥିକ ସାହାଯ୍ୟ ପ୍ରଦାନ କରାଗଲେ ବୃଦ୍ଧା ମହିଳା ସହ ଦୁଇ ନାତି ନାତୁଣୀ ଉପକୃତ ହୋଇ ପାରିବେ ବୋଲି ଅନୁରୋଧ କରିଛନ୍ତି । ପ୍ରକାଶ ଥାଉକି ଘର ପଡ଼ି ଘଟଣାରେ ଏ ପର୍ଯ୍ୟନ୍ତ କୌଣସି ବ୍ୟକ୍ତିଙ୍କ ସମ୍ପୃକ୍ତ କିମ୍ବା କୌଣସି କାରଣ ଜଣା ପଡ଼ିନଥିବା ପରିବାର ପକ୍ଷରୁ ପ୍ରକାଶ କରାଯାଇଛି ।
