ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୦୯/୦୩) : ବଲାଙ୍ଗୀର ଜିଲ୍ଲା ଅନ୍ତର୍ଗତ ଟିଟିଲାଗଡ ପୋଲିସ ତରଫ ରୁ ବେଆଇନ୍ ଖଣି ଖନନ ଓ ପରିବହନ ଆଇନ ଅନୁଯାୟୀ ଚଢ଼ାଉ କରାଯାଇଛି ।
ରାଜ୍ୟ ସରକାର ଙ୍କ ନିର୍ଦ୍ଦେଶ କ୍ରମେ ଟିଟିଲାଗଡ ପୋଲିସ ଥାନା ଅଧିକାରୀଣୀ କଲ୍ୟାଣୀ ବେହେରା ଙ୍କ ନେତୃତ୍ୱ ରେ ଚାରି ଗୋଟି ବାଲି ବୋଝେଇ ଟ୍ରାକ୍ଟର ଜବତ କରିବା ସହ ଚାଳକ ଙ୍କୁ ଗିରଫ କରାଯାଇଛି ବୋଲି ପ୍ରକାଶ କରିଛନ୍ତି । ବାଲି ବୋଝେଇ ଉକ୍ତ ଟ୍ରାକ୍ଟର ଗୁଡ଼ିକୁ ଟିଟିଲାଗଡ ଥାନା ପରିସର ରେ ଅଟକ ରଖି ଏକ ମାମଲା ରୁଜ୍ଜୁ କରି ସବିଶେଷ ତଦନ୍ତ ଆରମ୍ଭ କରିଥିବା ଜଣାଯାଇଛି । ଉକ୍ତ ଜବତ ଗାଡ଼ି ଗୁଡ଼ିକ ର ଏନ୍ ଜି ଟି ନିୟମ ଅନୁଯାୟୀ ଜୋରିମାନା ଆଦାୟ କରାଯିବ ବୋଲି ବଲାଙ୍ଗୀର ଜିଲ୍ଲା ଖଣି ଅଧିକାରୀ ଚନ୍ଦ୍ରଚୁଡ ମହନ୍ତ ପ୍ରକାଶ କରିଛନ୍ତି । ସେହିପରି ଜିଲ୍ଲା ର ସିନ୍ଧେକେଲା,ବଙ୍ଗୋମୁଣ୍ଡା,ସଇଁତଳା ଥାନା ଅଞ୍ଚଳ ରେ ମଧ୍ୟ ପରିବହନ ନିୟମାନୁଯାୟୀ ଚଢ଼ାଉ କରି ଟ୍ରାକ୍ଟର ମାନ ଜବତ କରାଯାଇଛି ବୋଲି ପ୍ରକାଶ ପାଇଛି ।
