ଜଳେଶ୍ବର, (୨୪/୦୩) : ଆ.ପ୍ର. : ବିଳମ୍ବିତ ରାତି ରେ ୨୦ ରୁ ଉର୍ଧ୍ବ ଡମ୍ପର ରେ ବେଆଇନ ପଥର ଚାଲାଣ ବେଳେ ପୋଲିସ ର ଚଢଉ ।
ରାସ୍ତା ରେ ପଥର ଢାଳି ଦେଇ ଗାଡି ନେଇ ଚମ୍ପଟ ମାରିଲେ ଡ୍ରାଇଭର । ୩ ଟି ଗାଡି କୁ ଜବଦ କରିବା ସହ ଡ୍ରାଇଭର କୁ ଅଟକ ରଖିଛି ପୋଲିସ । ସୂଚନା ଅନୁଯାୟୀ ଗତକାଲି ବିଳମ୍ବିତ ରାତି ରେ ୨୦ ରୁ ଉର୍ଧ୍ବ ଡମ୍ପର ରେ ବେଆଇନ ଭାବରେ ପଥର ବୋଝେଇ କରି ବାଲେଶ୍ବର ସୋର ଅଞ୍ଚଳରୁ କଷାଫଳ ଅଭିମୁଖେ ଦ୍ରୂତ ଗତିରେ ଯାଉଥିବା ବେଳେ ଭଅଂରେଶ୍ବର ଛକ ନିକଟରେ ସ୍ଥାନୀୟ ଲୋକ ଗାଡି ଗୁଡିକ ଅଟକାଇବାରୁ ଉତ୍ତେଜନା ପରିସ୍ଥିତି ସୃଷ୍ଟି ହୋଇଥିଲା । ଯାହା ଫଳରେ ଡ୍ରାଇଭର ମାନେ ଅଧା ରାସ୍ତା ରେ ପଥର ଢାଳି ଦେଇ ଗାଡି ନେଇ ଚମ୍ପଟ ମାରିଥିଲେ । ଖବର ପାଇ ସିଂଲା ଥାନା ପୋଲିସ ଘଟଣା ସ୍ଥଳରେ ପହଞ୍ଚି ଗାଡି ସମେତ ପଥର ଚାଲାଣ ର କାଗଜ ପତ୍ର ମାଗିବାରୁ କୌଣସି କାଗଜ ପତ୍ର ଦେଖାଇ ପାରି ନଥିଲେ । ପୋଲିସ ୩ଟି ଡମ୍ପର ଜବଦ କରି ଥାନା କୁ ନେବା ସହ ଅଧିକ ତଦନ୍ତ ଜାରି ରଖିଛି ।
