ରିପୋର୍ଟ : ସନ୍ତୋଷ ନାୟକ //
ବଲାଙ୍ଗୀର,ତା(୦୪/୧୨) : ବଲାଙ୍ଗୀର ଅବକାରୀ ବିଭାଗ ତରଫରୁ ଚଢ଼ାଉ କରି ୭୫ ଲିଟର ବେଆଇନ ମଦ ସହ ୩ ଜଣଙ୍କୁ ଗିରଫ କରାଯାଇଛି । ବଲାଙ୍ଗୀର ନିକଟସ୍ଥ ସମରା ଗ୍ରାମରେ ଜିଲ୍ଲା ଅବକାରୀ ବିଭାଗ ତରଫରୁ ଚଢ଼ାଉ କରି ଉକ୍ତ ଗ୍ରାମରୁ ୭୫ ଲିଟର ଦେଶୀମଦ ସହ ୩ ଜଣଙ୍କୁ ଗିରଫ କରିଥିବା ସୂଚନା ମିଳିଛି ।
ବର୍ତ୍ତମାନ ବଲାଙ୍ଗୀର ଜିଲ୍ଲା ରେ ଆଇନ ଶୃଙ୍ଖଳା ପରିସ୍ଥିତି ନିୟନ୍ତ୍ରଣ କରିପାରୁ ନ ଥିବା ଅଭିଯୋଗ ହୋଇଅସୁଛି । ଲୁଟେରା, ଡକାୟତି, ବେଆଇନ ନିଶା କାରବାର ଯୋଗୁଁ ଆଇନ ଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି । ଅବକାରୀ ବିଭାଗ ର ନିଜ ଜ୍ଞାତ ସାର ଖୋଲା ଖୋଲି ବେଆଇନ ଭାବେ ବେଆଇନ ମଦ ସହ କୁଚିଆ ମଦ ବିକ୍ରି କରାଯାଉଥିବା ନେଇ ସାଧାରଣରେ ଅସନ୍ତୋଷ ସୃଷ୍ଟି ହୋଇଛି । ସେହିପରି ଜିଲ୍ଲା ରେ ଖୋଲା ଖୋଲି ହାତରନ୍ଧା ମଦ ପ୍ରସ୍ତୁତି ଓ ଚାଲାଣ କରାଯାଉଥିବା ଦେଖାଯାଉଛି ।
ଉଭୟ ଅବକାରୀ ବିଭାଗ ଓ ଜଙ୍ଗଲ ବିଭାଗ ର ଗୋଚର ରେ ଉଭୟ ରନ୍ଧା ମଦ ଭାଟି ରୁ ପ୍ରସ୍ତୁତ ମଦ ସହ ବିଭିନ୍ନ ଇଁରାଜୀ ମଦ ବିକ୍ରି ଓ ଚାଲାଣ ଚାଲିବା ସହ ଏହି ମଦ ବିକ୍ରି ଏକ ପ୍ରକାର କୁଟୀର ଶିଳ୍ପ ରେ ପରିଣତ ହୋଇଯାଇଛି । ଏ ନେଇ ବିଭାଗୀୟ ମୁଖ୍ୟ ତୁରନ୍ତ ଦୃଷ୍ଟି ଦେବାକୁ ଦାବି ହୋଇଛି ।
