ରିପୋର୍ଟ : ରବିଶଙ୍କର ମହାପାତ୍ର
କୋରାପୁଟ, (୩/୩) : ବୋରିଗୁମ୍ମା ବ୍ଲକ୍ ଅନ୍ତର୍ଗତ ଶସାହାଣ୍ଡି ଗ୍ରାମ ପଞ୍ଚାୟତ କାର୍ଯ୍ୟାଳୟ ଠାରେ ଆଜି ପଞ୍ଚାୟତ ବାସୀଙ୍କ ବିଭିନ୍ନ ଅଭିଯୋଗର ଜନଶୁଣାଣି ଅନୁଷ୍ଠିତ ହୋଇଥିଲା ।
ଗୋଷ୍ଠୀ ଉନ୍ନୟନ ଅଧିକାରୀ ସନ୍ଧ୍ୟା ସମରଥ ଅଭିଯୋଗ ଗ୍ରହଣ କରିବା ସହ ଉପସ୍ଥିତ ଥିବା ବିଭିନ୍ନ ସରକାରୀ ବିଭାଗୀୟ କର୍ମଚାରୀ ମାନଙ୍କୁ ଆବଶ୍ୟକ ନିର୍ଦ୍ଦେଶ ଦେଇଥିଲେ l ଏହି ଅଭିଯୋଗ ଶୁଣାଣିରେ ଶିକ୍ଷା, ସ୍ୱାସ୍ଥ୍ୟ, ଗମନା ଗମନ, ଜଳ ଯୋଗାଣ, ଆବାସ ଗୃହ, କୃଷି, ମନରେଗା ଯୋଜନା, ଭତ୍ତା, ପିଡିଏସ ଆଦି ବିଷୟରେ ୨୩ ଗୋଟି ଅଭିଯୋଗ ଦାଖଲ ହୋଇଥିଲା । ଏହି ଅଭିଯୋଗ ଶୁଣାଣୀ କାର୍ଯ୍ୟକ୍ରମରେ ତହସିଲଦାର,ସହାୟକ ଯନ୍ତ୍ରୀ, ଡ଼କ୍ଟର , ଜିପିଡିଓ ସ୍ଵାଗତିକା ଗୋପାଳ, ବି.ଏସ.ଏସ.ଓ., ଜଳ ଓ ପରିମଳ ବିଭାଗ ଯନ୍ତ୍ରୀ ଯୋଗାଣ ନିରୀକ୍ଷକ,ବିପିସି, ଆର.ଏଚ., କୃଷି କର୍ମଚାରୀ, ସରପଞ୍ଚ ପଦ୍ମିନୀ ମାଝୀ, ସମିତି ସଭ୍ୟ ସୁକମନ ଭତ୍ରା, ୱାର୍ଡ ମେମ୍ବର, ଅଙ୍ଗନୱାଡି କର୍ମୀ, ଆଶା କର୍ମୀ, ଏଡିଇଓ ସନ୍ତୋଷ ବିଷୋୟୀ ,ଏଇ ସତ୍ୟନାରାୟଣ ସେଠୀ, ଜେଇ ରବିନ୍ଦ୍ର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲାବେଳେ ଏହି କାର୍ଯ୍ୟକ୍ରମକୁ ପି.ଇ.ଓ. କ୍ରିଷ୍ଣା ରାଓ ପରିଚାଳନା କରିଥିଲେ ।
ସ୍ୱାସ୍ଥ୍ୟ ବିଭାଗ ତରଫରୁ ଡଃ ଦିଲ୍ଲୀପ କୁମାର ନାଥ ଅଂଶୁଘାତ ଓ ମଶାରୀ ବଣ୍ଟନ ସଂପର୍କରେ ସଚେତନ କରିବା ସହ ବିଦ୍ୟାଳୟରେ ଛାତ୍ରୀମାନେ ଗର୍ଭବତୀ ହେବାର କିଛି ଘଟଣା ଲୋକ ଲୋଚନକୁ ଆସି ଥିବାରୁ ବିଦ୍ୟାଳୟ ଗୁଡିକରେ ପ୍ରତି ଛାତ୍ରୀଙ୍କର ମାସିକ ଧର୍ମ ଆସିବା ତାରିଖ ରେକର୍ଡ଼ ଭୁକ୍ତ କରିବା ଉପରେ ଗୁରୁତ୍ଵାରୋପ କରିଥିଲେ ।
