ରିପୋର୍ଟ: କ୍ଷମସାଗର ଦାସ //
ମୁନିଗୁଡ଼ା:ତା୮-୧୨): ରାୟଗଡ଼ା ଜିଲ୍ଲା ମୁନିଗୁଡ଼ା ବ୍ଲକ ଚଇତି ମହୋତ୍ସବକୁ ନେଇ କବିତା ପାଠୋତ୍ସବ ବ୍ଲକ ସଭାଗୃହରେ ଅନୁଷ୍ଠିତ ହୋଇଯାଇଛି।
ମୁନିଗୁଡ଼ା ବ୍ଲକ ପ୍ରଶାସନ ଆୟୋଜିତ ଓ ମୁନିଗୁଡ଼ା ସାହିତ୍ୟ ସଂସଦ ସୌଜନ୍ୟରେ ଅନୁଷ୍ଠିତ ଚଇତି କବିତା ପାଠୋତ୍ସବରେ ସଂସଦ ସଭାପତି ପି.ସୁଧାକର ପାତ୍ର ସଭାପତିତ୍ବ କରିଥିବା ବେଳେ ପ୍ରତିଷ୍ଠିତ ସଂଯୋଜକ କବି ଅକ୍ଷୟ କୁମାର ରଥ କାର୍ଯ୍ୟକ୍ରମର ସଂଯୋଜନା କରିଥିଲେ। ମୁଖ୍ୟ ଅତିଥିଭାବେ ମୁନିଗୁଡ଼ା ବିଡ଼ିଓ ଶ୍ରୀଯୁକ୍ତ କୃଷ୍ଣଚନ୍ଦ୍ର ଦଳପତି, ମୁଖ୍ୟବକ୍ତା ସାହିତ୍ୟ ସଂସଦ ଉପଦେଷ୍ଟା ତଥା ଚଇତି ପତ୍ରିକାର ମୁଖ୍ୟ ସମ୍ପାଦକ ଅକ୍ଷୟ କୁମାର ମଲ୍ଲିକ,ସମ୍ମାନିତ ଅତିଥିଭାବେ ଅଞ୍ଚଳର ଜନନେତା ଜଗନ୍ନାଥ ନୁଣ୍ଡ୍ରୁକା ଏବଂ ବ୍ଲକର ମୁଖ୍ୟଯନ୍ତ୍ରୀ ଐସୂର୍ଯ୍ୟ ଭଞ୍ଜଦେଓ ପ୍ରମୁଖ ଉପସ୍ଥିତ ରହି ଜଗତର ଜଗନ୍ନାଥଙ୍କ ଫଟ ଚିତ୍ରରେ ମାଲ୍ୟାର୍ପଣ, ପ୍ରଦୀପ ପ୍ରଜ୍ବଳନ ପୂର୍ବକ ଉତ୍ସବର ଶୁଭାରମ୍ଭ କରିଥିଲେ। ଚୈତିର ଆଗମନେ ମୁନିଗୁଡାର ପ୍ରକୃତି,ପଲ୍ଲୀ ଯେପରି ନବ ଉନ୍ମାଦନାରେ ପଲ୍ଲବୀତ,ପୁଷ୍ପିତ ଆଉ ସୁଶୋଭିତ ସେହିପରି ବେଶ୍ ଉତ୍କଣ୍ଠିତ ଉଲ୍ଲଶିତ କବିର କବିତ୍ଵ,ଚଳଚଞ୍ଚଳ ହୋଇ ଉଠିଛି ସେମାନଙ୍କ ଲେଖନୀ ଆଉ ଆକର୍ଷିତ କରୁଛି ସେମାନଙ୍କ ଚଇତି ଆଉ ଜନଜାତି ସଂସ୍କୃତି ଉପରେ କବିତା ପାଠୋତ୍ସବ ବୋଲି ବିଡ଼ିଓ ଶ୍ରୀଯୁକ୍ତ ଦଳପତି ବକ୍ତବ୍ୟରେ କହିଥିଲେ।
ସେହିପରି ଅନ୍ୟ ଅତିଥିଗଣ ଚଇତି ମହୋତ୍ସବ କବିତା ପାଠୋତ୍ସବର ମୁଖ୍ୟ ଉଦ୍ଦେଶ୍ୟକୁ ଆଜି କବିମାନେ ସେମାନଙ୍କ କବିତାରେ ଉଜାଗର କରିଥିବାରୁ ସଭିଙ୍କୁ ଧନ୍ୟବାଦ୍ ଅର୍ପଣ କରିଥିଲେ।ପରେ ଦ୍ଵିତୀୟ ପର୍ଯ୍ୟାୟର କବିତା ପାଠୋତ୍ସବରେ କବିତା ଆସରକୁ ସଞ୍ଚାଳନ କରିଥିଲେ ବିଶିଷ୍ଟ କବି ରାଜକିଶୋର ବେହେରା,ବିଜୟ କୁମାର ମିଶ୍ର,ସୁବାସ କୁରା ଓ ଅଧ୍ୟାପକ କୃଷ୍ଣଚନ୍ଦ୍ର ମଲ୍ଲିକ।ରାୟଗଡ଼ା ଜିଲ୍ଲାର ସଂସ୍କୃତି,ମୁନି ଋଷିଙ୍କ ତପୋଭୂମି,ବନଭୂମି,
ବନବାସୀ,ଡଙ୍ଗର,ପାହାଡ,ପ୍ରକୃତି ସହିତ ମୁନିଗୁଡାର ଐତିହ୍ୟ,ସଂସ୍କୃତି ଓ ପରମ୍ପରାକୁ ନେଇ କବି ଓ କବାୟତ୍ରିମାନେ ସ୍ବରଚିତ କବିତାମାନ ପାଠ କରିଥିଲେ।
ସର୍ବଶ୍ରୀ ଗୌରାଙ୍ଗ ଚରଣ ରାଉତ,ମନୋରଞ୍ଜନ ଦଳାଇ,ଡ.ଚନ୍ଦନ ସିଂ,ଅକ୍ଷୟ କୁମାର ମଲ୍ଲିକ,ଅନନ୍ତ ସାମନ୍ତ,ଅଜିତ ମହାରଣା,ଅକ୍ଷୟ ରଥ,ସୁବାସ କୁରା,ନନ୍ଦିନୀ ଦାସ,ନିର୍ମଳା ମଲ୍ଲିକ,ଅଶ୍ଵିନୀ ବାରିକ,ସୁଧାକର ପାତ୍ର,ନୀଳାମ୍ବର ବେହେରା,କାଳନ୍ଦୀ ନାୟକ,ସରିତା ନାୟକ,ବିଜୟ ମିଶ୍ର,ରାଜକିଶୋର ବେହେରା,କୃଷ୍ଣଚନ୍ଦ୍ର ମଲ୍ଲିକ,ସଞ୍ଜୟ ପତି,ପ୍ରକାଶ ଚନ୍ଦ୍ର ମୁଦୁଲି,ସାଇ ଶୁଭାଲକ୍ଷମି ପତି,ରୁଦ୍ରାଶିଶ ମଣ୍ଡଳ,ମାଧବ ପାତ୍ର,ସ୍ମୃତି ରଞ୍ଜନ ନାୟକ,ଶ୍ରୀନିବାସ ସାହୁ,ସୂର୍ଯ୍ୟକାନ୍ତ ପଣ୍ଡା ପ୍ରମୁଖ କବି କବାୟତ୍ରୀମାନେ ସ୍ବରଚିତ କବିତାମାନ ପାଠକରି ଚଇତି ମହୋତ୍ସବର ଶୁଭ ଶଙ୍ଖନାଦ କରିଥିଲେ।ବ୍ଲକ ଯନ୍ତ୍ରୀ ପ୍ରମୋଦ କୁମାର ପରିଡ଼ା,ଅଶୋକ କୁମାର ପାତ୍ର,ଗୌରୀ ପ୍ରସାଦ ନାୟକ,ରମେଶ ମିଞ୍ଜ,ସନ୍ଧ୍ୟାରାଣି ମଲ୍ଲିକ ଓ ବ୍ଲକର ସମସ୍ତ କର୍ମଚାରୀମାନେ ପରିଚାଳନାରେ ସହାୟତା କରିଥିଲେ।
