ରିପୋର୍ଟ :ଭଗବାନ ମହାନ୍ତି //
ମୁରିବାହାଲ ତା୨୫.୦୨.୨୦୨୫): ମୁରିବାହାଲ ବ୍ଲକ୍ ସ୍ତରୀୟ ନିପୁଣ ଓଡି଼ଶା ମେଳା-୨୦୨୫ କାର୍ଯ୍ୟକ୍ରମ ସରକାରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ବଡଉଡାରରେ ମଙ୍ଗଳବାର ପ୍ରଦର୍ଶିତ ହୋଇଯାଇଛି I
ଏହି କାର୍ଯ୍ୟ କ୍ରମରେ ବ୍ଲକ୍ ଅଧିନସ୍ଥ ସମସ୍ତ ୧୨ ଗୋଟି କ୍ଲଷ୍ଟର୍ ଚୟନିତ ଏଫ୍ ଏଲ୍ ଏନ୍ ଗ୍ରେଡ଼ (ପ୍ରଥମ, ଦ୍ଵିତୀୟ ଓ ତୃତୀୟ ଶ୍ରେଣୀର) ମୌଳିକ ସାକ୍ଷରତା ଏବଂ ସଂଖ୍ୟା ଜ୍ଞାନ ଆଧାରିତ ଟିଏଲ୍ଏମ୍ ଗୁଡି଼କ ତିଆରି କରି ଆଣି ବିଭିନ୍ନ ଷ୍ଟଲ୍ ମଧ୍ୟରେ ସଜାଇ ପ୍ରଦର୍ଶନ କରାଯାଇଥିଲା l ମୁରିବାହାଲ ଗୋଷ୍ଠି ଶିକ୍ଷା ଅଧିକାରୀ ଶାନ୍ତନୁ କୁମାର ପଢ଼ିହାରୀଙ୍କ ସଭାପତିତ୍ୱରେ ମୁଖ୍ୟ ଅତିଥି ରୂପେ ବଲାଙ୍ଗୀର ଜିଲ୍ଲା ଶିକ୍ଷକ ଶିକ୍ଷା ତାଲିମ କେନ୍ଦ୍ରର ବରିଷ୍ଠ ଅଧ୍ୟାପକ ଡ଼. ପ୍ରଶାନ୍ତ କୁମାର ନିଖଣ୍ଡିଆ, ସମ୍ମାନୀୟ ଅତିଥି ରୂପେ ୨୮ ନମ୍ବର ଜିଲ୍ଲା ପରିଷଦ ସଦସ୍ୟା ଶ୍ରୀମତୀ ନିରୁପମା ଗହୀର, ବରିଷ୍ଠ ଶିକ୍ଷାବିତ ତଥା ଅବସରପ୍ରାପ୍ତ ପ୍ରଧାନ ଶିକ୍ଷକ ନାରାୟଣ ଲୁହା, ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କୈଳାଶ ଚନ୍ଦ୍ର ଭୋଇ, କାନ୍ତାରାମ ଧରୁଆ, ବିଦ୍ୟାଲୟ ପରିଚାଳନା କମିଟି ସଭାପତି ଅଲେଖ ଭୋଇ, ବଡଉଡ଼ାର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଅନିଲ କୁମାର ବେହେରା, ଲେବେଡା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ପଦ୍ମଲୋଚନ ତାଣ୍ଡି ପ୍ରମୁଖ ମଞ୍ଚାସୀନଥିଲେ|
ଏହି ଅବସରରେ ବିଭିନ୍ନ ଶିକ୍ଷା ମାର୍ଗଦର୍ଶୀ ବାର୍ତ୍ତା ଦେଇ ଛାତ୍ର,ଛାତ୍ରୀ ଙ୍କ ଉଦ୍ଦେଶ୍ୟରେ ସପଥ ପାଠ ଚୂଡ଼ାମଣି ନାୟକ କରାଇଥିଲେ l ଏହା ପରେ ଷ୍ଟଲ ଗୁଡିକ ଉଦ୍ଘାଟନ କରି ଟିଏଲ୍ଏମ୍ ମେଳା ପରିଦର୍ଶନ କରିଥିଲେ l ଏହି କାର୍ଯ୍ୟକ୍ରମରେ ବ୍ଲକ ଅଧିନସ୍ଥ ୧୨ ଗୋଟି ଆଞ୍ଚଳିକ ସାଧନ କେନ୍ଦ୍ରର ସମସ୍ତ ସଂଯୋଜକ ଏବଂ ବିଭିନ୍ନ ବିଦ୍ୟାଳୟରୁ ଏଫଏଲ୍ଏନ୍ ଗ୍ରେଡ଼୍ ଶିକ୍ଷକ/ଶିକ୍ଷୟିତ୍ରୀ, ପ୍ରଧାନ ଶିକ୍ଷକ/ଶିକ୍ଷୟିତ୍ରୀ ଗାଇଡ଼ ଶିକ୍ଷକ ଶିକ୍ଷୟିତ୍ରୀ, ଅଭିଭାବକ/ଅଭିଭାବିକା ପ୍ରମୁଖ ଯୋଗ ଦେଇଥିଲେ l ଏହି ମେଳା ଟିକୁ କୁନି କୁନି ଛାତ୍ର,ଛାତ୍ରୀ ବେସ୍ ଉପଭୋଗ ମଧ୍ୟ କରିଥିଲେ l କାର୍ଯ୍ୟକ୍ରମର ସହଯୋଗ ନିମନ୍ତେ ଉକ୍ତ ବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଏବଂ ଷ୍ଟାଫ୍ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟମଣ୍ଡିତ କରିଥିଲେ I ଏଥିରେ ଅଂଶଗ୍ରହଣ କରିଥିବା ସମସ୍ତ ଶିକ୍ଷକ/ଶିକ୍ଷୟିତ୍ରୀ ଙ୍କୁ ମାନପତ୍ର ପ୍ରଦାନ କରାଯାଇଥିଲା l କାର୍ଯ୍ୟକ୍ରମକୁ ଶ୍ରୀଯୁକ୍ତ କୁମୁଦ ବିହାରି ବେଦବାକ୍ ସଂଯୋଜନା କରିଥିବାବେଳେ ସିରୋଲ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ସୁଧୀର କୁମାର ନାଗ୍ ଧନ୍ୟବାଦ୍ ଅର୍ପଣ କରିଥିଲେ l
