ଭୁବନେଶ୍ୱର, (୦୬/୦୪) : ଆପ୍ର. : ଲୋକସେବା ଭବନରେ କାର୍ଯ୍ୟରତ ଆସିଷ୍ଟାଣ୍ଟ ସେକ୍ସନ ଅଫିସର (ଏଏସଓ) ପ୍ରକାଶ କୁମାର ସାହୁ ନିଖୋଜ ଥିବା ଅଭିଯୋଗ ହୋଇଛି ।
ପ୍ରକାଶ ସାହୁ ନିଖୋଜ ହୋଇଯାଇଥିବା ନେଇ ଭରତପୁର ଥାନାରେ ଏତଲା ଦାୟର ହୋଇଛି । ଅଭିଯୋଗ ମିଳିବା ପରେ ପୁଲିସ ତଦନ୍ତ ଆରମ୍ଭ ସହ ପ୍ରକାଶଙ୍କୁ ଠାବ କରିବା ପାଇଁ ଉଦ୍ୟମ ଜାରି ରଖିଛି । ଲୋକସେବା ଭବନରେ ଏଏସଓ ଭାବେ କାର୍ଯ୍ୟରତ ପ୍ରକାଶ କୁମାର ସାହୁ ଶୁକ୍ରବାର ଡ୍ୟୁଟିକୁ ଯାଇଥିଲେ । ଲୋକସେବା ଭବନରେ ଡ୍ୟୁଟି ସାରିବା ପରେ ସେ ଆଉ ଘରକୁ ଫେରିନଥିଲେ । ଘରକୁ ନ ଫେରିବାରୁ ପରିବାର ଲୋକେ ପ୍ରକାଶଙ୍କୁ ବିଭିନ୍ନ ସ୍ଥାନରେ ଖୋଜାଖୋଜି କରିଥିଲେ । ତାଙ୍କର କୌଣସି ଖୋଜଖବର ନ ପାଇବାରୁ ଆଜି ଭରତପୁର ଥାନାରେ ଏତଲା ଦିଆଯାଇଛି । ଏଏସଓ ନିଖୋଜ ହୋଇଯାଇଥିବା ନେଇ ଭରତପୁର ଥାନାରେ ସମ୍ପର୍କୀୟ ଭାଇ ଏତଲା ଦାୟର କରିଛନ୍ତି । ପ୍ରକାଶଙ୍କ ମୋବାଇଲ ଫୋନ୍ ସ୍ୱିଚ୍ ଅଫ ରହିଥିବାବେଳେ ପୁଲିସ ତଦନ୍ତ ଆରମ୍ଭ କରିଛି ।
