ରିପୋର୍ଟ : ଏନ ସନ୍ତୋଷ, ବୈପାରୀଗୁଡା //
ବୈପାରୀଗୁଡା,(୦୨/୧୧) : ବହୁ ଚର୍ଚ୍ଚିତ ମହାଲିଙ୍ଗ ସ୍ଥିତ ସନ୍ସାଇନ୍ ପବ୍ଲିକ୍ ସ୍କୁଲର ଅଧ୍ୟକ୍ଷା ମମିତା ମେହେର ହତ୍ୟାକାଣ୍ଡ ମାମଲାରେ ଜଡିତ ଓଡିଶା ଗୃହ ରାଜ୍ୟ ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କୁ ଗିରଫ ଦାବିରେ ଆଜି ବୈପାରୀଗୁଡା ବିଜେପି ପାର୍ଟି ପକ୍ଷରୁ ଥାନା ସମ୍ମୁଖରେ ବିକ୍ଷୋଭ ଦେଖିବାକୁ ମିଳିଛି l
ବୈପାରୀଗୁଡା ମଣ୍ଡଳ ସଭାପତି ଉମେଶ ପଟ୍ଟନାୟକ ଏବଂ କଲାର ମଣ୍ଡଳ ସଭାପତି ସିମାଞ୍ଚଳ ନାୟକଙ୍କ ନେତୃତ୍ୱରେ ବୈପାରୀଗୁଡା ବ୍ଲକର ୨୦ ଟି ପଂଚାୟତର ଶତାଧିକ ବିଜେପି କର୍ମକର୍ତା ଅଂଶଗ୍ରହଣ କରିଥିଲେ l ପାର୍ଟି ପକ୍ଷରୁ ଏକ ରାଲି କରାଯାଇଥିଲା l କର୍ମୀ ମାନେ ସ୍ଥାନୀୟ ଡ଼ାକବାଙ୍ଗଲା ଠାରୁ ବାହାରି ବୈପାରୀଗୁଡା ଥାନା ପର୍ଯ୍ୟନ୍ତ ପହଂଚିଥିଲେ l ଥାନା ସମ୍ମୁଖରେ ରାଜ୍ୟ ସରକାରଙ୍କ ବିରୁଦ୍ଧରେ ନାରାବାଜି ଦେଇଥିବା ବେଳେ ବୈପାରୀଗୁଡା ଥାନା ଅଧିକାରୀ ଈଶ୍ୱର ତାଣ୍ଡିଙ୍କୁ ମମିତା ମେହେର ହତ୍ୟାକାଣ୍ଡ ମାମଲାରେ ଜଡିତ ଓଡିଶା ଗୃହ ରାଜ୍ୟ ମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କୁ ଙ୍କୁ ଗିରଫ ନେଇ ଦାବୀ ପାତ୍ର ପ୍ରଦାନ କରାଯାଇଛି l
ଏଥିରେ ଜିଲ୍ଲା ସମ୍ପାଦକ ଚନ୍ଦ୍ର ଶେଖର ରଥ, ଖଗପତି ପୂଜାରୀ, ନଟବର ପଟ୍ଟନାୟକ, ଧନପତି ନାୟକ, ଚକ୍ର ବୈରାଗୀ, ସିଏଚ ପ୍ରଭାକର, କେଶବ ଖିଲ, ଭାଗୀ ଗୌଡ଼, ପଦ୍ମନ ମାଳି, ରାଜେନ୍ଦ୍ର ମହାଙ୍କୁଡ ସହ ବିଭିନ୍ନ ପଂଚାୟତ ପ୍ରମୁଖ କର୍ମୀ ଉପସ୍ଥିତ ଥିଲେ l
