ରିପୋର୍ଟ : ସୁଶାନ୍ତ ବେହେରା
ବୌଦ୍ଧ,(୨୫/୧୦) : ଆଜି ବୌଦ୍ଧ ଜିଲ୍ଲା ମାରୁତିସେନା ପକ୍ଷରୁ କଳାହାଣ୍ଡି ଜିଲ୍ଲା ମହାଲିଙ୍ଗ ସନସାଇନ ପବ୍ଲିକ ସ୍କୁଲର ଅଧ୍ୟକ୍ଷା ମମିତାଙ୍କୁ ନ୍ୟାୟ ପ୍ରଦାନ ଦାବୀରେ ବିକ୍ଷୋଭ ପ୍ରଦର୍ଶନ କରାଯାଇଥିଲା |
ସେହି ବିଦ୍ୟାଳୟର ସଭାପତି ଗୋବିନ୍ଦ ସାହୁ ଦ୍ଵାରା ଅପହରଣ ଓ ହତ୍ୟା ମାମଲାରେ ସମ୍ପୃକ୍ତ ସମସ୍ତ ଅଭିଯୁକ୍ତ ମାନଙ୍କୁ ଗିରଫ ଦାବୀ କରି ବୌଦ୍ଧ ଜିଲ୍ଲାପାଳ ଓ ଜିଲ୍ଲା ଆରକ୍ଷୀ ଅଧିକ୍ଷକଙ୍କ ପାଖକୁ ଯାଇ ମମିତା ମେହେରଙ୍କ କେଶର CBI ତଦନ୍ତ ଓ ଦୋଷୀଙ୍କୁ ଫାଶୀ ଦଣ୍ଡ ଦେବା ପାଇଁ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବୀ ପତ୍ର ପ୍ରଦାନ କରିଥିଲେ । ଦିନ ପ୍ରାୟ ୧୨ ଘଣ୍ଟା ସମୟରେ ମାରୁତି ସେନାର ସମସ୍ତ ସଦସ୍ୟ କଚେରୀ ଛକ ଠାରୁ ଜିଲ୍ଲାପାଳଙ୍କ କାର୍ଯ୍ୟାଳୟ ପର୍ଯ୍ୟନ୍ତ ମମିତାଙ୍କୁ ନ୍ୟାୟ ପ୍ରଦାନ ଦାବୀ ଓ ଦୋଷୀଙ୍କ ବିରୋଧରେ ସ୍ଲୋଗାନ ଦେଇ ବିକ୍ଷୋଭ ପ୍ରଦର୍ଶନ କରିଥିଲେ ।
ଏହି ମାମଲାରେ ସମ୍ପୃକ୍ତ ଥିବା ସମସ୍ତ ଅପରାଧୀଙ୍କୁ ଗିରଫ ଦାବୀ ଓ ଏହାର ନିରପେକ୍ଷ CBI ତଦନ୍ତ କରିବା ସହ ମମିତାଙ୍କୁ ନ୍ୟାୟ ଦେବା ପାଇଁ ଦଳ ପକ୍ଷରୁ ବିକ୍ଷୋଭ ପ୍ରଦର୍ଶନ କରାଯାଇଥିଲା ଓ ଏହା ସହ ବିଦ୍ୟାଳୟର ସଭାପତି ଗୋବିନ୍ଦ ସାହୁଙ୍କୁ ଫାଶୀଦଣ୍ଡ ଦିଆଯାଉ ବୋଲି ମଧ୍ୟ କୁହାଯାଇଥିଲା ।
ଏଥିରେ ମାରୁତି ସେନାର ସମସ୍ତ ସଦସ୍ୟ ଶୁଶିଲ କୁମାର ପାତ୍ର, ପ୍ରଶାନ୍ତ କର୍ଣ୍ଣ, ମହାଦେବ କଲତା, ସୁବାଷ ଚନ୍ଦ୍ର ସାହୁ, କେଶବ ହରି ଦୀପ, ସ୍ୱାଧୀନ ପରିଡ଼ା, ଜ୍ଞାନେନ୍ଦ୍ର ଜେନା, ଦିବାକର ମେହେର, ଶଶୀ ମହାକୁଡ, ସମ୍ବିତ ପଟ୍ଟନାୟକ ଓ ଲୋକନାଥ ମଲ୍ଲିକ ଉପସ୍ଥିତ ରହି ଦାବୀ ପତ୍ର ପ୍ରଦାନ କରିଥିଲେ ।
