ବୋରିଗୁମ୍ମା,୩୧/୦୫): ବୋରିଗୁମ୍ମା ବ୍ଲକ୍ କାଠଗଡ଼ା ପ୍ରାଥମିକ ବିଦ୍ୟାଳୟ ଠାରେ ବିଶ୍ଵ ତମ୍ବାଖୁ ବର୍ଜନ ଦିବସ ଅବସରରେ ଏକ ମାଗଣା ସ୍ୱାସ୍ଥ୍ୟ ପରୀକ୍ଷା ତଥା ସଚେତନତା ଶିବିର ଆୟୋଜିତ ହୋଇଯାଇଛି । 
ଆଇ.ଡ଼ି.ଏ. ହିଲ ସିଟି ବ୍ରାଞ୍ଚ ନାମକ ଦନ୍ତ ଚିକିତ୍ସକ ମାନଙ୍କର ଏହି ସଂଗଠନ ଦ୍ଵାରା ଆୟୋଜନ କରା ଯାଇଥିବା ଏହି ଶିବିରରେ ଜୟପୁର ମାନ୍ୟବର ବିଧାୟକ ମୂଖ୍ୟ ଅତିଥି ଭାବେ ଯୋଗ ଦାନ କରିଥିବା ସହ କିଛି ରୋଗୀଙ୍କ ସ୍ଵାସ୍ଥ୍ୟାବସ୍ଥା ପଚାରି ବୁଝିଥିଲେ । ବ୍ଲକ୍ କଂଗ୍ରେସ ସଭାପତି ଅଶୋକ ଗନ୍ତାୟତ, ଜିଲ୍ଲା ପରିଷଦ ସଭ୍ୟ ପିଙ୍କୁ ଶତପଥି,ଭାଜପା.ନେତା ଅଭିମନ୍ୟୁ ନାୟକଙ୍କ ସମେତ ଆଶା ଓ ଅଙ୍ଗନବାଡି କର୍ମୀ ମାନେ ଯୋଗଦାନ କରିଥିବା ଜଣାପଡିଛି ।ଏହି ଶିବିରରେ ସମୁଦାୟ ୨୭୮ ଜଣ ରୋଗୀ ଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇ ଔଷଧ ବିତରଣ କରା ଯାଇଥିଲା ।
ସଭାପତି ଡଃ.ଅଶୋକ କୁମାର ଦାଶ, କୋଷାଧ୍ୟକ୍ଷ ଡଃ.ସିଦ୍ଧାନ୍ତ ନାୟକ ଙ୍କ ପ୍ରତ୍ୟକ୍ଷ ତତ୍ତ୍ଵାକଧାନରେ ଆୟୋଜିତ ଏହି ଶିବିରରେ ଡଃ ସୁରଭି ମହାନ୍ତି, ଡଃ ଦୀପନିତ ସରକାର, ଡଃ ପୂଜା ସରକାର, ଡଃ ସୂଚୀସ୍ମିତା ମହାପାତ୍ର, ଡଃ ଫୌଜିଆ ତନବୀର, ଡଃ. ସୂଚେତା ପି. ଡଃ. ବେହେରା , ଡଃ.ଆର୍.କେ.ବେଉରିଆ, ଡଃ. ପ୍ରତ୍ୟୁଶା ନନ୍ଦ, ଡଃ.ଅମିତ ଦାଶ, ଡଃ ଦେବ ଦେବାର୍ଚ୍ଚନ ପ୍ରମୁଖ ଯୋଗ ଦେଇଥିବା ବେଳେ ପୂର୍ବତନ ଜିଲ୍ଲା ମୂଖ୍ୟ ଚିକିତ୍ସାଧିକାରୀ ଡଃ. ଅରୁଣ କୁମାର ପାଢ଼ୀ ତଥା ବୋରିଗୁମ୍ମା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରୁ ଡଃ. ଦିଲ୍ଲୀପ କୁମାର ନାଥଙ୍କ ମାର୍ଗ ଦର୍ଶନରେ ତଥା କାଠରଗଡ଼ା ସ୍ୱାସ୍ଥ୍ୟକେନ୍ଦ୍ରର ଡଃ. ଶିବପ୍ରସାଦ ମହାରଣାଙ୍କ ସହଯୋଗରେ ଏହି ଶିବିର ସଫଳତାର ସହ ସମ୍ପନ୍ନ ହୋଇଥିବା ଜଣାପଡ଼ିଛି ।
