ମୁରିବାହାଲ, (୧୫/୦୩) : ଆ.ପ୍ର. : ବଲାଙ୍ଗୀର ଜିଲ୍ଲା ମୁରିବାହାଲ ବ୍ଲକ ଅଞ୍ଚଳରେ କିଛି ମାସ ତଳେ ବିଦ୍ୟୁତ ତାର ଚୋରି ଘଟଣା ବାରମ୍ବାର ସାମ୍ନା କୁ ଆସିଥିବା ବେଳେ ଏବେ ପୁଣି କିଛି ସ୍ଥାନରୁ ବିଦ୍ୟୁତ ତାର ଚୋରି ଘଟଣା ଦେଖିବାକୁ ମିଳିଛି ।
ମୁରିବାହାଲ ବ୍ଲକ ଅନ୍ତର୍ଗତ ମାଲିଶିରା ସଦର ଗ୍ରାମପଞ୍ଚାୟତରେ ଦୁଇଟି ସ୍ଥାନରୁ ବିଦ୍ୟୁତ ତାର ଚୋରି ଘଟଣା ଦେଖିବାକୁ ମିଳିଛି । ସୂଚନା ମୁତାବକ କିଛି ଦିନ ତଳେ ମାଲିସିରା ଗ୍ରାମ ଧରୁଆ ପଡା ଗାଁ ସ୍ଥିତ ସୁରୁମା ଖୋଦାନ କୁ ନୂତନ ଭାବେ ଭୁତଳ ଜଳ ଯୋଗାଣ ଯୋଜନା ପାଇଁ ବିଦ୍ୟୁତ ଯାଇଥିବା ବେଳେ କାମ ରେ କିଛି ତ୍ରୁଟି ରହିଥିବାରୁ କାମ ଟି ଅସମ୍ପୂର୍ଣ ହୋଇ କିଛି ମାସ ବନ୍ଦ ରହିଥିଲା| ସେଥିପାଇଁ ବିଦ୍ୟୁତ ସରବରାହ ବନ୍ଦରହିଥିଲା ।
ସେହି ସୁଯୋଗ ନେଇ ଚୋରମାନେ ସୁରୁମା ଖୋଦାନ କୁ ସଂଯୋଗ କରିଥିବା ସମ୍ପୂର୍ଣ ବିଦ୍ୟୁତ ତାର କୁ କାଟି ଚୋରି କରି ନେଇ ଯାଇଥିଲେ । ପୁଣି ଦୁଇ ଦିନ ପରେ ମାଲିଶିରା ଗାଁରେ ନୂତନ ଭାବରେ ଗଢି ଉଠିଥିବା ନୂଆ ନିର୍ମିତ ପାଣି ଟାଙ୍କି କୁ ସଂଯୋଗ କରିଥିବା ବିଦ୍ୟୁତ ତାର ଚୋର ମାନେ କାଟି ନେଇ ଯାଇଛନ୍ତି । ଦୁଇ ଦିନ ମଧ୍ୟରେ ଦୁଇ ଟି ସ୍ଥାନରୁ ବିଦ୍ୟୁତ ତାର ଚୋରି ହୋଇଥିବା ନେଇ ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି ।
