ରିପୋର୍ଟ : ସୁଶାନ୍ତ ବେହେରା //
ବୌଦ୍ଧ,(୨୮/୦୯) : ଏନ ଏସ ଏସ ଦିବସ ଅବସରରେ ବାଉଁଶୁଣି ମା ମାହେଶ୍ୱରୀ ଡ଼ିଗ୍ରୀ ମହାବିଦ୍ୟାଳୟ ଠାରେ (ସମ୍ବାଦ )ଆମ ଓଡ଼ିଶା ଓ ଜାତୀୟ ସେବା ଯୋଜନା ମିଳିତ ଆନୁକୂଲ୍ୟରେ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।
ଏହି ଅବସରରେ ମୁଖ୍ୟ ଅତିଥି ଭାବେ ଏସ ବି ଆଇ ବାଉଁଶୁଣି ଶାଖା ପରିଚାଳକ ଦୀପକ କୁମାର ସେଠୀ ଯୋଗ ଦେଇ ଉଦଘାଟନ କରିଥିଲେ ।ସଂମାନିତ ଅତିଥି ଭାବେ ସମାଜସେବୀ ଠାକୁର ଚନ୍ଦ୍ର ମେହେର ଉପସ୍ଥିତ ରହି ରକ୍ତଦାତାଙ୍କୁ ଉତ୍ସ।ହିତ କରିଥିଲେ । ମା ମାହେଶ୍ୱରୀ ଡ଼ିଗ୍ରୀ କଲେଜ ଅଧ୍ୟକ୍ଷ ଅନିରୁଦ୍ଧ ମହାକୁଳଙ୍କ ସମେତ ଏନ ଏସ ଏସ ଜିଲ୍ଲା ସଂଯୋଜକ ଡ଼ ମନରଞ୍ଜନ ଘଗେଇ କାର୍ଯ୍ୟକ୍ରମ ପରିଚାଳନା କରିଥିଲେ । ଏଥିରେ ୩୦ ଜଣ ସ୍ବେଚ୍ଛାସେବୀ ଉପସ୍ଥିତ ରହି ସ୍ବେଚ୍ଛାକୃତ ଭାବେ ରକ୍ତଦାନ କରିଥିଲେ । ଯୁବରେଡ଼କ୍ରସ ଓ ଏନ ଏସ ଏସ ସ୍ବେଚ୍ଛାସେବୀ ମାନେ ସହଯୋଗ କରିଥିଲେ । ମହାବିଦ୍ୟାଳୟ ସମସ୍ତ ଅଧ୍ୟାପକ ଅଧ୍ୟାପିକା ସହଯୋଗ କରିଥିଲେ ।
