ଗୁଣୁପୁର, (୩୦/୪) : ଆପ୍ର. : ଆଜି ମିଡିଆ କ୍ଲବ, ଗୁଣୁପୁର ପକ୍ଷରୁ ପବିତ୍ର ଅକ୍ଷୟ ତୃତୀୟା ଅବସରରେ ସ୍ଥାନୀୟ ନୂତନ ବସଷ୍ଟାଣ୍ଡ ସମ୍ମୁଖରେ ଏକ ପଣା ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏହି କାର୍ଯ୍ୟକ୍ରମ ମିଡିଆ କ୍ଲବ, ଗୁଣୁପୁରର ଆବାହକ ଜିତେନ୍ଦ୍ର ଶତପଥୀ, ସଭାପତି ଅନୀଲ ସାହୁକାରଙ୍କ ଆହ୍ଵାନ କ୍ରମେ ଅନୁଷ୍ଠିତ ହୋଇଥିଲା । କୋହଳା ପାଗ ଓ ହାଲୁକା ବର୍ଷା ସତ୍ତ୍ୱେ ଶହ ଶହ ଲୋକେ ପଣା ସେବନ କରି ଖୁସି ବ୍ୟକ୍ତ କରିଥିଲେ । ଏହି କାର୍ଯ୍ୟକ୍ରମକୁ ମିଡିଆ କ୍ଲବର ସମ୍ପାଦକ ଜଗନ୍ନାଥ ମହାନ୍ତି, ଉପ ସଭାପତି କୃଷ୍ଣଚନ୍ଦ୍ର ରାଜଗୁରୁଙ୍କ, ସହ ସମ୍ପାଦକ ବିଭୁ ପ୍ରସାଦ ଶତପଥୀ, କୋଷାଧ୍ୟକ୍ଷ ଲକ୍ଷ୍ମୀ ମହାଙ୍କୁଡ, ଶୀଲା ଗମାଙ୍ଗ, ସୁନୀଲ ଶାବତ, ଉମା ମହାଙ୍କୁଡ, ରାକେଶ ପାଢି, ମହେଶ ପାଟ ଖଣ୍ଡାଲ, ଦିଲୀପ ରାଜଗୁରୁ ପ୍ରମୁଖ ସହଯୋଗ କରି କାର୍ଯ୍ୟକ୍ରମକୁ ସଫଳ କରିଥିଲେ ।
