ମୁନିଗୁଡା,୩୦/୩-ଆପ୍ର): ମୁନିଗୁଡାର ମୁନିଖୋଲସ୍ଥିତ ବାସବୀ କନିକା ପରମେଶ୍ୱରୀ ମନ୍ଦିର ପରିସରରେ ବାସବୀ କଲିଙ୍ଗ ବୈଶ୍ୟ ସଙ୍ଘ ତରଫରୁ ପବିତ୍ର ଉଗାଦି ପର୍ବ ମହାଡମ୍ବରର ସହ ପାଳିତ ହୋଇଯାଇଛି l
କଳିଙ୍ଗ ବୈଶ୍ୟ ସଙ୍ଘ ଓ ଯୁବକ ସଙ୍ଘର ମିଳିତରେ ଅନୁଷ୍ଠିତ ପର୍ବରେ ପ୍ରଥମେ ପୁରୋହିତ ଜଗବନ୍ଧୁ ପଣ୍ଡା ଓ ଅଶୋକ ରଥଙ୍କ ପୌରାହିତ୍ୟରେ ରୀତିନୀତି ଅନୁଯାୟୀ ମାଆଙ୍କ ନିକଟରେ ପୁଜାର୍ଚ୍ଚନା କରିବା ପରେ ନୁତତ ପଞ୍ଜିକା ପୂଜାର୍ଚ୍ଚନା କରାଯିବା ପରେ ସଙ୍ଘର ବରିଷ୍ଠ ଉପଦେଷ୍ଟା ଭି. ଚନ୍ଦ୍ରଶେଖର ପଞ୍ଜିକା ପଠନ କରିବା ସହ ବିଭିନ୍ନ ତଥ୍ୟ ପ୍ରଦାନ କରିଥିଲେ l ପରେ ସଙ୍ଘର ସଭାପତି କେ.ସତ୍ୟନାରାୟ ରାଓ ଓ ଯୁବକ ସଙ୍ଘର ସଭାପତି ଟି.ଅଶୋକ କୁମାରଙ୍କ ମିଳିତ ସଂଯୋଜନାରେ ଏକ ସାଧାରଣ ସଭା ଅନୁଷ୍ଠିତ ହୋଇଥିଲା l
ଉକ୍ତ ସଭାରେ ଏହି ପର୍ବ ପାଳନର ମୁଖ୍ୟ ଉଦେଶ୍ୟ ସମ୍ପର୍କରେ ବୁଝାଇବା ସହ ସଙ୍ଘ କିପରୀ ଆଗାମୀ ଦିନରେ ଏକତ୍ରିତ ହୋଇ ସମସ୍ତ ପର୍ବ ଗୁଡିକୁ ରୀତିନୀତି ଅନୁଯାୟୀ ସମ୍ପାଦନା କରିବ ଏବଂ ସାମାଜିକ କ୍ଷେତ୍ରରେ ମଧ୍ୟ କାର୍ଯ୍ୟ କରିବ ସେନେଇ ଆଲୋଚନା କରାଯାଇଥିଲା l ଏହି ଅବସରରେ ପୁରହିତ ଜଗବନ୍ଧୁ ପଣ୍ଡା, ସାମ୍ବାଦିକ ଗଣେଶ୍ୱର ରାଓ, ପ୍ରେସ କ୍ଳବ ସଭାପତି ରାଜୀବ ଲୋଚନ ଦାସ, ସମ୍ପାଦକ ନନ୍ଦ କିଶୋର ପଟ୍ଟନାୟକ ପ୍ରମୁଖଙ୍କ ସମେତ ଅନ୍ୟ ମାନ୍ୟଗଣ୍ୟ ବ୍ୟକ୍ତି ବିଶେଷଙ୍କୁ ସମ୍ବର୍ଦ୍ଧନା କରାଯାଇଥିଲା l ଶେଷରେ ସଙ୍ଘ ପକ୍ଷରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେବା ସହ ମନୋରଞ୍ଜନ ନିମନ୍ତେ ଏକ ମେଲୋଡିର ଆୟୋଜନ କରାଯାଇଥିଲା l
ଉକ୍ତ କାର୍ଯ୍ୟକ୍ରମକୁ କଳିଙ୍ଗ ବୈଶ୍ୟ ସଙ୍ଘର କଳିଙ୍ଗ ବୈଶ୍ୟ ସଙ୍ଘର ସମ୍ପାଦକ ପି.ରାମବାବୁ,କୋଷାଧକ୍ଷ ଲାଡି ସିମାଞ୍ଚଳ,କଳିଙ୍ଗ ବୈଶ୍ୟ ଯୁବକ ସଙ୍ଘର ଉପ ସଭାପତି ଜି.ଚୈତନ୍ୟା ସମ୍ପାଦକ ଜି.କ୍ରାନ୍ତି ଓ କୋଷାଧକ୍ଷ ଜି.ଶ୍ରୀନାଥ, କେ.ଶ୍ରୀନିବାସ,ନରେଶ କୁମାର,ସନ୍ତୋଷ କୁମାର,ରାଜେଶ କୁମାର,ଚାଣ୍ଟି ପ୍ରମୁଖଙ୍କ ଅନ୍ୟ ସଦସ୍ୟ ମାନେ ଉପସ୍ଥିତ ରହି ପରିଚାଳନା ଓ ସହଯୋଗ କରିଥିଲେ l
