ଢେଙ୍କାନାଳ, (୧୦/୦୫) : ଆପ୍ର. : ଢେଙ୍କାନାଳ ଟାଉନ ଥାନା ଦେଉଳ ସାହିର ମୃଦଙ୍ଗା ସାହିରେ ଶୁକ୍ରବାର ଦିନ ୧୧ଟା ବେଳେ ଅଗ୍ନିକାଣ୍ଡରେ ୫ ବଖରା ଘର ପୋଡି ଜଳି ଭସ୍ମ ହୋଇଯାଇଛି ।
ସାହିରେ କୌଣସି କାରଣ ବଶତଃ ଅଗ୍ନିକାଣ୍ଡ ଘଟିଥିଲେ ମଧ୍ୟ ଅଗ୍ନି କାଣ୍ଡର କାଣର ଅସ୍ପଷ୍ଟ ରହିଛି । ଖବର ପାଇ ଅଗ୍ନିଶ୍ରମ ବିଭାଗ ସେଠାରେ ପହଞ୍ଚି ନିଆଁକୁ ଆୟତ କରିଥିଲେ । ଘରର ସବୁ ଆସବାବପତ୍ର ପୋଡ଼ି ଜଳି ପାଉଁଶ ହୋଇ ଯାଇଛି । ଅଗ୍ନି କାଣ୍ଡରେ ମୃଦଙ୍ଗା ସାହିର ସନା ନାଏକ, ନାଗା ନାଏକ, ଶାନ୍ତି ନାଏକ ଓ ବନୀତା ନାଏକଙ୍କର ୫ ବଖରା ଘର ପୋଡିଯିବା ସହିତ ଆସବାବପତ୍ର ମଧ୍ୟ ପୋଡି ଯାଇଥିଲା । ଘଟଣା ସ୍ଥଳରେ ସଦର ତହସିଲ ଦାର ସ୍ୱାଧୀନ କୁମାର ବେହେରା ଏବଂ ସଦର ଆର.ଆଇ. ପହଞ୍ଚି ତଦନ୍ତ କରିଛନ୍ତି ।
