ଭଦ୍ରକ, (୨୮/୦୬) : ଆପ୍ର. : ରଥଟଣା ଶୋଭାଯାତ୍ରା ବେଳେ ଅଘଟଣ । ଡିଜେ ଗାଡ଼ି ଓଲଟି ଜଣେ ନାବାଳକର ମୃତ ଦୁଇ ଆହତ ।
ଏଭଳି ଦୁଃଖଦ ଘଟଣା ଧାମନଗର ବ୍ଲକ ଭଗବାନପୁର ପଞ୍ଚାୟତସ୍ଥିତ ଅନହରପୁର ଠାରେ ଘଟିଥିବା ଜଣାପଡିଛି। ମୃତ ବାଳକ ହେଉଛନ୍ତି ଅନହରପୁର ଗ୍ରାମର । ସୂଚନା ଅନୁସାରେ ଗତ କାଲି ରାତିରେ ଅନହରପୁର ଠାରେ ରଥଯାତ୍ରା ପାଇଁ ଶୋଭାଯାତ୍ରା ଚାଲିଥିଲା । ଏଥିରେ ଡିଜେ ସାମିଲ ହୋଇଥିଲା । ରାସ୍ତାରେ ଖାଲ ଥିବା ବେଳେ ସେହି ସ୍ଥାନରେ ଡିଜେ ବୁଲିବା ସମୟରେ ଭାରସାମ୍ୟ ହରାଇ ଓଲଟି ପଡିଥିଲା । ନିକଟରେ ଛିଡ଼ା ହୋଇଥିବା ସ୍ଥାନୀୟ ଅଞ୍ଚଳର କିଶୋର ରାଉତଙ୍କ ପୁଅଙ୍କ ଉପରେ ଡିଜେ ଓଲଟି ପଡିଥିଲା ବେଳେ ସେ ତଳେ ରହିଯାଇଥିଲେ ଏବଂ ସେଠାରେ ତାଙ୍କର ମୃତ୍ୟୁ ହୋଇଥିଲା । ଡିଜେ ତଳେ ଆଉ ଦୁଇ ଜଣ ଲୋକ ଚାପି ହୋଇ ଆହତ ହୋଇଛନ୍ତି । ଘଟଣା ସ୍ଥାନରେ ଉତ୍ତେଜନା ପ୍ରକାଶ ପାଇଥିଲା । ଖବରପାଇ ଧାମନଗର ଥାନା ଅଧିକାରୀ ଗୋପାଳକୃଷ୍ଣ ଜେନାଙ୍କ ସମେତ ଏକ ପ୍ଲାଟୁନ ଫୋର୍ସ ମୁତୟନ କରାଯାଇଛି । ଏହି ଅଘଟଣ ପରେ ଅନହରପୁର ଅଞ୍ଚଳରେ ଏକ ଦୁଖଦଃ ପରିସ୍ଥିତି ସୃଷ୍ଟି କରିଛି ।
