ରିପୋର୍ଟ : ଜଗଦୀଶ ଦାଶ
ରାଇକିଆ, (୧୬/୦୧) : କନ୍ଧମାଳ ଜିଲ୍ଲା ରାଇକିଆର ଜଣାଶୁଣା ଅତି ପରିଚିତ ସମସ୍ତ ଙ୍କ ପ୍ରିୟ ପ୍ରାଞ୍ଚିସ୍ ନାୟକ’ମୁଣ୍ଡା ଭାଇନା ଙ୍କ ମଙ୍ଗଳବାର ରାତି ୮ ସମୟରେ ନିଧନ ଘଟିଛି ।
ସେ ଅନାଥ ଶ୍ରେଣୀର ଥିଲେ।ଗତ ୪ ତାରିଖରେ ବାସନ୍ତୀ ପଲୀ, କନଭେଣ୍ଟ୍ ମେଡିକାଲ ଛକ ନିକଟ ଏକ ଘର ବାରଣ୍ଡାକୁ ଓଡି.୧୨.ଇ,୧୭୭୬ ଏକ ଅଟୋ ଚାଳକର ଦୃତଗତୀ, ବେପାରୁଆ ଗାଡି ଚାଳନା ଯୋଗୁଁ ୩ ଜଣଙ୍କୁ ଧକ୍କା ଦେଇଥିଲା। ସେମାନଙ୍କ ମଧ୍ୟରୁ ପ୍ରାଞ୍ଚିସ୍ ନାୟକ ‘ମୁଣ୍ଡା’ ଗୁରୁତର ହୋଇଥିଲେ । ପ୍ରଥମେ ରାଇକିଆ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର, ଫୁଲବାଣୀ, ବ୍ରହ୍ମପୁର ଏବଂ ଶେଷରେ ଭୁବନେଶ୍ବର ସ୍ଥିତ ଏମ୍ସ ମେଡିକାଲ ରେ ଭର୍ତ୍ତି ହୋଇ ଚିକିତ୍ସିତ ହେଉଥିଲେ।ତାଙ୍କର ଡ଼ାହାଣ ଗୋଡ଼, ଛାତି ,ମୁଣ୍ଡ,କାନ୍ଧ ରେ ଗଭୀର ଆଘାତ ଲାଗି ଥିଲା । ଡାକ୍ତର ଚିକିତ୍ସାରେ ସମସ୍ତ ଚେଷ୍ଟା ଜାରି ରଖିଥିଲେ, କିନ୍ତୁ ଶେଷରେ ତାଙ୍କର ମୃତ୍ୟୁ ଘଟିଥିଲା ।
ଏହି ଖବର ପ୍ରଚାରିତ ହେବାପରେ ରାଇକିଆ ଅଞ୍ଚଳ ରେ ଶୋକର ଛାୟା ଖେଳିଯାଇଛି । ତାଙ୍କୁ ଶ୍ରଦ୍ଧାଞ୍ଜଳି ଦେବା ଉଦ୍ଧେଶ୍ୟରେ ସମସ୍ତଙ୍କ ମୋବାଇଲ ରେ ତାଙ୍କ ଫୋଟୋ ସୋସିଆଲ ମିଡ଼ିଆ ରେ ଘୁରି ବୁଲୁଛି । ରାଇକିଆ ଅଞ୍ଚଳର ସେ ଥିଲେ ଅତି ପରିଚିତ, ନମ୍ର, ଶାନ୍ତ, ସରଳ,ମେଳାପି, ସାହାଯ୍ୟ କାରି, ପରୋପ କାରୀ, ବିଶ୍ବସ୍ତ ହୋଇ ପ୍ରିୟପାତ୍ର ହୋଇ ଘରେ ଘରେ ପରିଚିତ ହୋଇଥିଲେ । ଅଞ୍ଚଳ ରେ ବିନା ପାରିଶ୍ରମିକ ରେ ସମାଜ ସେବୀ କାମ କରୁଥିଲେ।ବୟସ ପାଖା ପାଖି ୭୦ ବର୍ଷ । ଖବର କାଗଜ ପଢିବା ଏବଂ ବିଭିନ୍ନ ପୋଷାକ ପିନ୍ଧିବା ତାଙ୍କର ରୁଚି ଥିଲା ।
