ରିପୋର୍ଟ : ଜଗଦୀଶ ଦାଶ
ରାଇକିଆ, (୨୧/୦୧) : କନ୍ଧମାଳ ଜିଲ୍ଲା ରାଇକିଆ ବ୍ଲକ ଜୀବନ ଜ୍ୟୋତି କଲେଜରେ ୩୮ତମ ବାର୍ଷିକ କ୍ରିଡା ଉଦଘାଟନ ହୋଇଯାଇଅଛି l
ମହାବିଦ୍ୟାଳୟର ଅଧ୍ୟକ୍ଷ ପ୍ରାଧ୍ୟାପକ ପ୍ରଭାକର ରାଜୁଙ୍କ ଅଧ୍ୟକ୍ଷତାରେ ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ରାଇକିଆ ଭାରତୀୟ ଷ୍ଟେଟ ବ୍ୟାଙ୍କ ଶାଖା ପରିଚାଳକ ଅରୁଣ କୁମାର ପଣ୍ଡା, ଯୋଗ ଦେଇ ଥିଲେ। ସଂମ୍ମାନିତ ଅତିଥି ଭାବେରାଇକିଆ ପୋଲିସ ଏସଆଇ ରାଜେନ୍ଦ୍ର କୁମାର ମିଶ୍ର, ରାଇକିଆ ବିଜୁ ଜନତା ଦଳ ଛାତ୍ର ସଭାପତି ରୋଶନ କୁମାର ନାୟକ, ମହାବିଦ୍ୟାଳୟର ବରିଷ୍ଠ ପ୍ରାଧ୍ୟାପକ ଉମାକାନ୍ତ ରଥ ଯୋଗଦାନ କରିଥିଲେ । ଅଧ୍ୟକ୍ଷ ଙ୍କ ଦ୍ଵାରା ମଶାଲ ବନଦୂର୍ଗା ମନ୍ଦିର ପ୍ରାଙ୍ଗଣରୁ କଲେଜ ଆଥଲେଟିକ ଉପସଭାପତି ପ୍ରମୋଦ କୁମାର ନାୟକଙ୍କୁ ହସ୍ତାନ୍ତର କରାଯିବା ପରେ ମଶାଲ ଟିକୁ ସହର ପରିକ୍ରମା କରାଯିବ ସହ କଲେଜ ପଡିଆ ଠାରେ ପହଞ୍ଚିବା ପରେ କାର୍ଯ୍ୟକ୍ରମ ଉଦଘାଟନ କରାଯାଇଥିଲା ।
ଏହି ଅବସର ରେ ମହାବିଦ୍ୟାଳୟ ରେ ଦୀର୍ଘ ବର୍ଷ ଧରି ବିଶେଷ ସେବା କାର୍ଯ୍ୟ ପାଇଁ ଅବସର ପ୍ରାପ୍ତ ବରିଷ୍ଠ କିରାଣୀ ବିମଲ କିଶୋର ପରିଛାଙ୍କୁ ମାନପତ୍ର ଦେଇ ସଂମ୍ମାନିତ କରାଯାଇଥିଲା । ଦୁଇ ଦିନ ଧରି ବିଭିନ୍ନ କ୍ରୀଡା ପ୍ରତିଯୋଗିତା ଅନୁଷ୍ଠିତ ହେବାକୁ ଥିବା ଏହି କାର୍ଯ୍ୟକ୍ରମକୁ ଅଧ୍ୟାପକ ପ୍ରମୋଦ କୁମାର ନାୟକ, ଲିଜାଲିନ ଭୋଇ, ବେଣୁପାଣି ମହାପାତ୍ରଙ୍କ ସମେତ କଲେଜର ସମସ୍ତ ଅଧ୍ୟାପକ ଓ ଅଧ୍ୟାପିକା ଉପସ୍ଥିତ ରହି ପରିଚାଳନା କରିଥିଲେ ।
