ରାଇକିଆ ର ଗମାଣ୍ଡି ଗ୍ରାମରେ ଲେମୋନ ଗ୍ରାସ ଚାଷ ପାଇଁ ଆଗ୍ରହ

ରିପୋର୍ଟ : ଜଗଦୀଶ ଦାଶ
ରାଇକିଆ, (୧୦/୦୧) : ରାଇକିଆ ର ଗମାଣ୍ଡି ଗ୍ରାମରେ ଲେମୋନ ଗ୍ରାସ ଚାଷ ପାଇଁ ଆଗ୍ରହ ।

ଦୀର୍ଘ ବର୍ଷ ଧରି ରାସାୟନିକ ସାର ଦେଇ ପାରମ୍ପାରିକ ଭାବେ ଫୁଲକୋବି ଚାଷ କରି ଆସୁଥିବା କନ୍ଧମାଳ ଜିଲ୍ଲା ରାଇକିଆ ବ୍ଲକ ଅନ୍ତର୍ଗତ ଗମାଣ୍ଡି ଗ୍ରାମର ୧୫ ଜଣ ଚାଷୀମାନେ ସଙ୍ଘଠିତ ହୋଇ ଭୁବନେଶ୍ୱର ସ୍ଥିତ AWARD ନାମକ ସାମାଜିକ ସେବା ସଂସ୍ଥାର ସଚେତନତା ସହ ସହଯୋଗରେ ସ୍ୱୟଂ ସହାୟକ (ଚାଷୀ ଦଳ) ମିଶି ଗୋଷ୍ଠୀ ଗଠନ କରି ନିଜ ନିଜର ଜମି ମାନଙ୍କରେ ୫ ମାସରୁ ଉର୍ଦ୍ଧ୍ବ ହେବ ପ୍ରାୟ ୧୦ଏକର ଜମିରେ ଲେମୋନ ଗ୍ରାସ ଚାଷ ବିନା ରାସାୟନିକ ସାରରେ ସମ୍ପୂର୍ଣ୍ଣ ଜୈବିକ ଭାବେ ଚାଷ କରିଛନ୍ତି ଏବଂ ପ୍ରଥମ ଅମଳରେ ଲେମୋନ ଗ୍ରାସ କାଟି oil extraction କେନ୍ଦ୍ରକୁ ପେଷଣ ନିମନ୍ତେ ନିଆଯାଇଛି ।

ଏହି ଲେମୋନ ଗ୍ରାସ ପ୍ଲାଣ୍ଟ ଗୁଡ଼ିକ କେନ୍ଦ୍ର ସରକାରଙ୍କ CSIR ର ସ୍କିମ ଜରିଆରେ ଯୋଗାଯୋଗ କରି ଉତ୍ତରାଖଣ୍ଡରୁ ଅଣା ଯାଇଥିଲା, ବର୍ତ୍ତମାନ ନିଜ ଗ୍ରାମ ଗମାଣ୍ଡିରେ ଏକ ସ୍ଥାପନ କରିବା ନିମନ୍ତେ ସରକାରଙ୍କ ନିକଟରେ ଆବେଦନ କରିବାକୁ ଚାଷୀ ଦଳ ସ୍ଥିର କରିଛନ୍ତି ବୋଲି ଚାଷୀଦଳ ସଭାପତି ଶ୍ରୀ ମସେଷ ଦିଗାଳ ଏବଂ ତାଙ୍କର ମହିଳା ଚାଷୀଦଳ ମିଶି ମତ ପ୍ରକାଶ କରିଛନ୍ତି, ଏଣୁ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ଚାଷୀ ଦଳ ଗଣମାଧ୍ୟମରେ କହିଛନ୍ତି ।