ରିପୋର୍ଟ : ସୁଶାନ୍ତ ବେହେରା //
ହରଭଙ୍ଗା,(୧୪/୧୧) : ରାଇପୁର ଠାରେ ନେହେରୁ ଯୁବକେନ୍ଦ୍ରର ୪୯ ତମ ପ୍ରତିଷ୍ଠା ଦିବସ ପାଳନ କରାଯାଇଛି । ମା ମାଉଳି ଯୁବକ ସଂଘ ଏବଂ ଏଲ କେ ବି କେ ର ମିଳିତ ଆନୁକୁଲ୍ୟରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ରାଇପୁର ଠାରେ ନେହେରୁ ଯୁବ କେନ୍ଦ୍ରର ସ୍ୱେଚ୍ଛାସେବୀ ସୁପ୍ରିୟା ଦେହୁରୀ ଙ୍କ ତତ୍ବାବଧାନରେ ଏହି କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ନେହେରୁ ଯୁବ କେନ୍ଦ୍ର ର ଲକ୍ଷ୍ୟ ଆଭିମୁଖ୍ୟ, ଉଦ୍ଦେଶ୍ୟ କଣ ସେ ସମ୍ପର୍କରେ ଆଲୋଚନା ହୋଇଥିଲା । ଏଥିରେ ଯୁବ ଗୋଷ୍ଠି, ୟୁଥ୍ କ୍ଲବ୍ ମାନଙ୍କର ଭୂମିକା, ଦାୟିତ୍ଵ କର୍ତ୍ତବ୍ୟ ସମ୍ପର୍କରେ ମଧ୍ୟ ଆଲୋଚନା ହୋଇଥିଲା । ୟୁଥ୍ କ୍ଲବ ର ସମ୍ପାଦକ ବିଦ୍ୟାଧର ପ୍ରଧାନ ଉପସ୍ଥିତ ଶିଶୁ ମାନଙ୍କୁ ଶିଶୁ ଦିବସ ଉପଲକ୍ଷେ ଅଭିନନ୍ଦନ ଜଣାଇବା ସହିତ ତାଙ୍କର ଉଜ୍ବଳ ଭବିସ୍ଵତ କାମନା କରିଥିଲେ ।
ଏଲ କେ ବି କେ ର କର୍ମୀ ପ୍ରତାପ ମେହେର ଶିଶୁ ମାନଙ୍କୁ ନିଜ ବକ୍ତବ୍ୟରେ କହିଥିଲେ ଆଜି ଏକ ପବିତ୍ର ଦିବସ ପଣ୍ଡିତ ଜବାହାର ଲାଲ ନେହେରୁ ଙ୍କ ଜନ୍ମ ଦିବସ ତଥା ଶିଶୁ ଦିବସ । ୧୮୮୯ ମସିହା ନଭେମ୍ବର ୧୪ ତାରିଖରେ ସେ ଜନ୍ମ ଗ୍ରହଣ କରିଥିଲେ । ତାଙ୍କ ବ୍ୟକ୍ତିତ୍ଵ ଏବଂ ତାଙ୍କ ଜନ୍ମ ଦିବସକୁ କାହିଁକି ଶିଶୁ ଦିବସ ରୂପେ ପାଳନ କରାଯାଏ ସେ ବିଷୟରେ ଶିଶୁ ମାନଙ୍କୁ ଜଣାଇଥିଲେ । ସ୍ୱାଧୀନ ଭାରତର ପ୍ରଥମ ପ୍ରଧାନ ମନ୍ତ୍ରୀ ଜବହାର ଲାଲ ନେହେରୁ ବହୁତ୍ ଶିଶୁ ମାନଙ୍କୁ ବହୁତ୍ ଭଲ ପାଉଥିଲେ ବୋଲି ସେ କହିଥିଲେ । ଏହି କାର୍ଯ୍ୟକ୍ରମରେ ମା ମାଉଳି ଯୁବକ ସଂଘ ର ସମସ୍ତ ସଦସ୍ୟ ଉପସ୍ଥିତ ଥିଲେ । ଯୁବକ ସଂଘର ସଭାପତି ସୁନିଲ ମଲ୍ଲିକ ପୁନର୍ବାର ସମସ୍ତ ଶିଶୁଙ୍କ ଉଜ୍ବଳ ଭବିଶ୍ଵତ କାମନା ପୂର୍ବକ ଧନ୍ୟବାଦ୍ ଅର୍ପଣ କରିଥିଲେ ।
