ରିପୋର୍ଟ : ଓଡିଶା ନ୍ୟୁଜ ୨୪ ବ୍ୟୁରୋ //
ଟାଙ୍ଗୀ, (୨୪/୦୨) : ରାଜ୍ୟ ବାହାରକୁ ଚୋରା ଚାଲାଣ ହେଉଛି କଇଁଛ । ଚୋରା ଚାଲାଣ ବେଳେ ବିପୁଳ ସଂଖ୍ୟାରେ କଇଁଛ ଜବତ ହୋଇଛି ।
ପଶ୍ଚିମବଙ୍ଗର ନମ୍ବର ଥିବା ଏକ ୪୦୭ ଗାଡ଼ିରେ ଚୋରା ଚାଲାଣ ହେଉଥିଲା । ୪୦୦ରୁ ଅଧିକ ଟ୍ରେ’ରେ ଚାଲାଣ ହେଉଥିଲା କଇଁଛ । ୧୬ ନମ୍ବର ଜାତୀୟ ରାଜପଥ ଖୋର୍ଦ୍ଧା ଜିଲ୍ଲା ଗୋଡ଼ିପଡ଼ା ଟୋଲ୍ ଗେଟ୍ ରେ ସଂଦେହ ହେବାରୁ ଗାଡ଼ିକୁ ଅଟକାଇ ଯାଞ୍ଚ କରିଥିଲେ କର୍ମଚାରୀ । ଯାଞ୍ଚ ବେଳେ କଇଁଛ ଚାଲାଣ ହେଉଥିବା ଜଣା ପଡ଼ିଥିଲା । ଖୋର୍ଦ୍ଧା ବନଖଣ୍ଡ ଟାଙ୍ଗୀ ରୋଞ୍ଜ ବନ ବିଭାଗ ପହଞ୍ଚି ଗାଡ଼ିକୁ ଜବତ କରି ଭୁଷଣ୍ଡପୁର ବିଟ୍ ହାଉସକୁ ନେଇଛନ୍ତି । ଏତେ ପରିମାଣର କଇଁଛ କେଉଁଠୁ ଆସିଛି ଏବଂ କୁଆଡ଼େ ଯାଉଥିଲା, ସେ ନେଇ ତଦନ୍ତ ଚାଲିଛି ।
