ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୨୮/୦୫) : ରାୟଗଡା ସଦର ମହକୁମାସ୍ଥିତ ଆମ୍ବଗୁଡ଼ା ଗ୍ରାମ ରାମକୃଷ୍ଣ କଳା ମନ୍ଦିର ପ୍ରାଙ୍ଗଣରେ ମା ମଝିଘରିଣୀଙ୍କ ଘଟଯାତ୍ରା ଅନୁଷ୍ଠିତ ହୋଇଯାଇଛି ।
ଏହା ୫ଦିନ ଧରି ଏଠାରେ ମହା ସମାରୋହରେ ପାଳିତ ହୋଇଥିଲା। ପ୍ରତ୍ୟେକ ଦିନ ସନ୍ଧ୍ୟାରେ ସାଂସ୍କୃତିକ କାର୍ଯ୍ୟକ୍ରମ ମାନ ଅନୁଷ୍ଟିତ ହେଉଥିଲା । ୨୨ତାରିଖ ବୁଧବାର ଦିନ ଏକ ବିରାଟ ବଡ ପଟୁଆର ସାଙ୍ଗକୁ ନାନା ପ୍ରକାର ଆତସ ବାଜି ସହିତ ସୁସଜ୍ଜିତ ରଥରେ ମଝିଘରିଆଣୀ ମନ୍ଦିର ଠାରୁ ମାଁ ଙ୍କ ଖଣ୍ଡା ଓ ଆଜ୍ଞାମାଳ ଅଣାଯାଇ ପାଞ୍ଚ ଦିନ ଧରି ଏଠାରେ ରୀତିନୀତି ଅନୁସାରେ ପୂଜାର୍ଚ୍ଚନା କରଯାଇଛି । ସ୍ଥାନୀୟ ବାସୀଙ୍କ କହିବା ଅନୁସାରେ ଆଜକୁ ଦିର୍ଘ ୬୦ ବର୍ଷ ଧରି ଏହିଭଳି ଭାବରେ ମହା ସମାରୋହରେ ପାଳିତ ହେଉଛି ମା ମଝିଘରିଆଣି ଙ୍କ ଘଟଯାତ୍ରା ।
ଏହି ଘଟଯାତ୍ରାରେ ନିଆଁ ମୋଡା, ପୂଜକ କଣ୍ଟା ଦୋଳିରେ ଝୁଲିବା ଓ ଗଣେଶ, ହନୁମାନ, ଓ ରାବଣ ମୁଖ୍ୟ ଆକର୍ଷଣ ହୋଇଥିଲେ । ରବିବାର ଦିନ ଡିଜେ ର ତାଳେ ତାଳେ ଖୁସିରେ ଖୁସୀରେ ହଜାର ହଜାର ସଂଖ୍ୟାରେ ମା ଙ୍କ ମେଲାଣି ରେ ସାମିଲ୍ ହେଇଥିଲେ । ଶାନ୍ତି ଶୃଙ୍ଖଳା ରକ୍ଷା କରିବା ଓ ଭିଡ଼ ନିୟନ୍ତ୍ରଣ ପାଇଁ ରାୟଗଡ଼ ପୁଲିସ୍ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଥିଲା । ପରିଚାଳନା କମିଟି ସଦସ୍ୟ ଜେ.ଏସ.କୋ ମ୍ୟାନେଜର ଏନ୍. ରାଧା କ୍ରିଷ୍ଣା, ଏସ୍ ସୂର୍ଯ୍ୟ ନାରାୟଣ – କର୍ମଚାରୀ ସଂଘ ସଭାପତି ଏବଂ କଂଗେସ ବିଧାୟକ ପ୍ରାର୍ଥୀ କାଡ୍ରାକା ଆପ୍ପାଲା ସ୍ଵାମୀ, ଆର୍ ହରିଶ ପଟନାୟକ, ଜି. ପୂର୍ନେସ୍ୱର ରାଓ (k,k), ମୁରଲୀଧର ପଟନାୟକ ଓ ଗୋବିନ୍ଦ ବେହେରା ପ୍ରମୁଖ ଉପସ୍ଥିତ ଥିଲେ ।
