ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୭/୦୧) : ସୁବର୍ଣ୍ଣପୁର ଓ ବୌଦ୍ଧ ଜିଲ୍ଲାରେ ବଡ ଧରଣର ଆୟକର ବିଭାଗର ଚଢାଉ ହୋଇଛି ।
ଏହି ଜିଲ୍ଲାର ରାମଚଣ୍ଡୀ କନଷ୍ଟକ୍ସନ୍ କମ୍ପାନୀ ନାଁରେ ଥିବା ଜିଲ୍ଲାର ତରଭା ରେ ଥିବା କ୍ରସର୍, ସୋନପୁର ସହରରେ ଥିବା ଅଫିସ୍, ଘର ଓ ଭଜବଲପୁର ସ୍ଥିତ ପୈତୃକ ଘରେ ଏକ ସଙ୍ଗରେ ଆୟକର ବିଭାଗର ଚଢାଉ ଜାରି ରହିଥିବା ସୂଚନା ମିଳିଛି । ବର୍ତ୍ତମାନ ଆଇଟି ପକ୍ଷରୁ ବିଭିନ୍ନ ସ୍ଥାନରେ ଚଢ଼ାଉ ଚାଲିଛି l ବୌଦ୍ଧ ଜିଲ୍ଲା ବାଉଁଶୁଣି ଥାନା ଗୋଛାପଡ଼ା ପଞ୍ଚାୟତ ବିଜାପଦର୍ ସ୍ଥିତ କ୍ରସର ରେ ଚଢାଉ ହୋଇଛି। ଆୟକର ବିଭାଗ ୫ ଜଣିଆ ଟିମ୍ ର ଚଢ଼ାଉ କରିଛନ୍ତି । କାଗଜପତ୍ର ଯାଞ୍ଚ କରିଛନ୍ତି ଅଧିକାରୀ । ସୂଚନା ଅନୁଯାୟୀ ରାମଚଣ୍ଡୀ ଫାର୍ମ ର ବିଭିନ୍ନ କ୍ରସର୍ ଏବଂ ଠିକା ସଂସ୍ଥା ଗୁଡିକରେ ବ୍ୟାପକ ଆର୍ଥିକ ଅନିୟମିତତା ହେବା ସହିତ ଆୟକର ଠକେଇ ଅଭିଯୋଗ ରେ ଗତକାଲି ରାତ୍ରି ସମୟରୁ ଆୟକର ବିଭାଗ ପକ୍ଷରୁ ଚଢାଉ ଜାରି ରହିଛି । ରାମଚଣ୍ଡୀ କ୍ରସର ରେ ଆୟକର ବିଭାଗ ପକ୍ଷରୁ ୫ ଜଣିଆ ଆୟକର ଅଧିକାରୀ ଙ୍କ ଟିମ୍ ଚଢାଉ ଜାରି ରଖିଥିବା ବେଳେ ପୁଲିସ ଫୋର୍ସ ମଧ୍ୟ ଏହି ଚଢାଉ ରେ ସାମିଲ ଅଛନ୍ତି ।
ରାମଚଣ୍ଡିର ବିଭିନ୍ନ କାର୍ଯ୍ୟାଳୟ ଠାରେ ମ୍ୟାନେଜର ମାନଙ୍କୁ ଆୟକର ବିଭାଗ ଅଧିକାରୀ ମାନେ ଅଟକ ରଖି କାଗଜ ପତ୍ର ଯାଞ୍ଚ କରୁଥିବା ନେଇ ସୂଚନା ମିଳିଛି । ତେବେ କେତେ ପରିମାଣର ଆୟକର ଠକେଇ ହୋଉଛି ଏବଂ କେଉଁ ଲିଙ୍କ ରେ ଏହି ଚଢାଉ ଜାରି ରହିଛି ସେ ନେଇ ପରବର୍ତ୍ତୀ ସମୟରେ ସୂଚନା ମିଳିପାରିବ ବୋଲି ଅନୁମାନ କରାଯାଉଛି ।
