ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୦୭/୦୩) : ସୁବର୍ଣ୍ଣପୁର ଜିଲ୍ଲା ବିନିକା-ରାମପୁର ମୁଖ୍ୟରାସ୍ତା ବେଲପଡ଼ା ଛକଠାରେ ଟାୟାର ଜାଳି ରାସ୍ତାରୋକ କରିଥିଲେ ବେଲପଡା ବାସୀ ।
ବର୍ଷବର୍ଷ ଧରି ରାସ୍ତାକାମ କଚ୍ଛପ ଗତିରେ ଚାଲିବା ସହିତ ନିମ୍ନ ମାନର ପାଣି ପାଇପ୍ ଯୋଗୁ ବିନିକା ସହରର ବେଲପଡାବାସୀ ପାଣି ଟୋପାଏ ପାଇବାରୁ ବଞ୍ଚିତ ରହିଥିବା ବେଳେ ବାରମ୍ବାର ଠିକାଦାର ଓ ପିଏଚଡି ବିଭାଗ ଜେଇଙ୍କୁ ଅଭିଯୋଗକଲେ ବି କୌଣସି ସୁଫଳ ନ ମିଳିବାରୁ ବାଧ୍ୟହୋଇ ବେଲପଡ଼ାବାସୀ ରାସ୍ତାରେ ଟାୟାର ଜାଳି ରାସ୍ତାରୋକ କରିଥିଲେ । ହେଲେ ପୁଲିସ ଓ ପ୍ରଶାସନକୁ ଲିଖିତ ଆକାରରେ ନ ଜଣାଇବାରୁ ଆନ୍ଦୋଳନ ସ୍ଥଳକୁ ବିନିକା ପୁଲିସ ପହଞ୍ଚି ୪ଜଣ ଆନ୍ଦୋଳନକାରୀକୁ ଉଠାଇ ଆଣି ଥାନାରେ ଅଟକ ରଖି ପଚରାଉଚରା କରି ସାରିବା ପରେ ସେମାନଙ୍କ ବିରୁଦ୍ଧରେ ଥାନାରେ ମକଦ୍ଦମା ରୁଜୁ କରିବା ସହ ଗିରଫ କରି କୋର୍ଟ ଚାଲାଣ କରାଯାଇଛି।
