ବୌଦ୍ଧ, (୦୩/୦୭) : ଆପ୍ର. : ଦେଇପାରିଲେନି ମୁଖାଗ୍ନି, ଆଖିବୁଜିଲେ ପୁଅ-ବୋହୂ । ବାପାଙ୍କ ଅନ୍ତିମ ସଂସ୍କାର ପାଇଁ ଯାଉଥିଲେ । ଶବ ହୋଇ ଫେରିଲେ ପୁଅ ବୋହୂ ।
ବୌଦ୍ଧ ଜିଲ୍ଲା ଖୋର୍ଦ୍ଧା ବଲାଙ୍ଗୀର ୫୭ ତମ ଜାତୀୟ ରାଜପଥ ନୂଆପଡ଼ା ନିକଟରେ ମର୍ମତୁଦ ସଡ଼କ ଦୁର୍ଘଟଣା। ରାସ୍ତା କଡ଼ରେ ଛିଡ଼ାହୋଇଥିବା ଏକ ଟ୍ରକକୁ ମୁହାଁମୁଁହି ଧକ୍କା ଦେଇଥିଲା କାର୍। ଘଟଣା ସ୍ଥଳରେ ପତିପତ୍ନୀଙ୍କ ମୃତ୍ୟୁ ଘଟିଥିଲା। ସୂଚନା ଅନୁଯାୟୀ, ଗତ ରାତିରେ ହଟାଠ ବାପାଙ୍କ ଦେହାନ୍ତ ଖବର ପାଇ ସବ ସତ୍କାର କରିବା ପାଇଁ କଳାହାଣ୍ଡି ଜିଲ୍ଲା ନୂଆପଡ଼ାରୁ ନିଜ ଗାଁ ଗଣିଆ ଅଭିମୁଖେ ଯାଉଥିଲେ ସ୍ବାମୀ ସ୍ତ୍ରୀ। ବୌଦ୍ଧ ନୂଆପଡ଼ା ଟୋଲ୍ ଗେଟ୍ ନିକଟରେ ରାସ୍ତା କଡରେ ଛିଡ଼ା ହୋଇଥିବା ଏକ ଟ୍ରକକୁ ସାମ୍ନା ପଟୁ ତାଙ୍କ କାର୍ ଧକ୍କା ଦେଇଥିଲା। ଘଟଣା ସ୍ଥଳରେ ଉଭୟଙ୍କ ମୃତ୍ୟୁ ଘଟିଥିଲା । ମୃତକ ହେଲେ ରାଜ କିଶୋର ସାହୁ ଓ ସ୍ତ୍ରୀ ମିନାକ୍ଷୀ ସାହୁ ।
