ଜଗତସିଂହପୁର, (୧୮/୦୪) : ଆପ୍ର. : ରାସ୍ତା ମଝିରେ ହୁତୁହୁତୁ ହୋଇ ଜଳିଗଲା କାର । ଜଗତସିଂହପୁର ଜିଲ୍ଲା ବିରିଡି ଥାନା ଅନ୍ତର୍ଗତ ୨୨ ମୌଜା ଅଲିପଡା ପୋଲ ନିକଟରେ ଜଳିଗଲା ଚଳନ୍ତା କାର ।
ସୂଚନା ଅନୁଯାୟୀ କାରଟି ଚାଲୁଥିବା ବେଳେ ହଠାତ୍ ଜଳି ଉଠିଥିଲା ତେବେ ଡ୍ରାଇଭରଙ୍କ ଉପସ୍ଥିତି ବୁଦ୍ଧି ଯୋଗୁଁ ସେ ସଂଗେସଂଗେ କାର ରୁ ଓହ୍ଲାଇ ପଛରେ ବସିଥିବା ଯାତ୍ରୀକୁ ମଧ୍ଯ ବାହାର କରିଥିଲେ । ତେଣୁ କାରରେ ଥିବା ଯାତ୍ରୀଙ୍କର କିଛି କ୍ଷତି ହୋଇ ନ ଥିବା ସୂଚନା ମିଳିଛି । ଖବର ପାଇ ବିରିଡି ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ତେବେ ନିଆଁ ଲାଗିବାର କାରଣ ସ୍ପଷ୍ଟ ହୋଇନାହିଁ ।
