ରିପୋର୍ଟ : ଗୋପୀନାଥ ଗୌଡ଼
ରାୟଗଡ଼ା, (୨୭/୦୨) : ରାୟଗଡ଼ା ସାଇ ପ୍ରିୟା ୱାକର୍ସ୍ କ୍ଲବ ପକ୍ଷରୁ ଏକ ହୃଦରୋଗ ସଚେତନତା ଶିବିର ସାଇପ୍ରୀୟା ନଗର ଡ଼କ୍ଟର ଏମ ସୁରେଶ କୁମାର ବିଶିଷ୍ଠ ଚକ୍ଷୁ ଚିକିତ୍ସକଙ୍କ ଘରେ ଅନୁଷ୍ଠିତ ହୋଇଯାଇଛି ।
ଉକ୍ତ କାର୍ଯୟକ୍ରମରେ କ୍ଲବର ପ୍ରାୟ ୩୦ ଜଣ ସକ୍ରିୟ ସଦସ୍ୟ ଅଂଶଗ୍ରହଣ କରିଥଲେ। ଉକ୍ତ କାର୍ଯ୍ୟକ୍ରମରେ ଜାତୀୟ ସ୍ତରୀୟ ପ୍ରାଥମିକ ଚିକିତ୍ସା ପ୍ରଶିକ୍ଷକ ଡ଼କ୍ଟର ଲକ୍ଷ୍ମୀ ନାରାୟଣ ସାହୁ ମୁଖ୍ୟ ଅତିଥି ରୂପେ ଯୋଗଦେଇ ହୃଦରୋଗର କାରଣ ଓ ପ୍ରତିକାର ବିଷୟରେ ସମସ୍ତଙ୍କୁ ସଚେତନ କରାଇଥିଲେ। କୋଭିଡ ପରବର୍ତ୍ତୀ ସମୟ ଠାରୁ ସମାଜରେ ହୃଦଘାତ ର ସଂଖ୍ୟା ବୃଦ୍ଧି ପାଉଛି । ହୃଦଘାତ୍ ସମୟରେ ସି ପି ଆର ର ପ୍ରୟୋଗ ବିଷୟ ରେ ସମସ୍ତଙ୍କୁ ପ୍ରଶିକ୍ଷଣ ମଧ୍ୟ ଦେଇଥିଲେ । ଏଣୁ ଧୁମ୍ରପାନ, ମଦ୍ୟପାନ ଓ ମେଧ ବହୁଳ ଠାରୁ ଦୂରେଇବା ନିତାନ୍ତ ଆବଶ୍ୟକ । ସନ୍ତୁଳିତ ଆହାର ଏବଂ ନିୟମିତ ବ୍ୟାୟାମ କରିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଥଲେ ।
ନିୟମିତ ବ୍ୟବଧାନରେ ଶରୀରର ଓଜନ, ରକ୍ତଚାପ, ରକ୍ତ ଶର୍କରା ଏବଂ ରକ୍ତ କୋଲେଷ୍ଟ୍ରାଲ ପରୀକ୍ଷାର ନିହାତି ଆବଶ୍ୟତା ବିଷୟରେ ବୁଝାଇଥିଲେ। କ୍ଲବ ର ସଭାପତି ୱାକର ଶ୍ରୀ କେ ଏସ ଏନ ଶର୍ମା କାର୍ଯକ୍ରମର ଶୁଭାରମ୍ଭ କରିବା ସହ ଡ଼କ୍ଟର ସାହୁଙ୍କୁ ସମ୍ବର୍ଧିତ ମଧ୍ୟ କରିଥଲେ। କ୍ଲବର ପୁର୍ବତନ ସଭାପତି ୱାକାର ଡ଼କ୍ଟର ଏମ ସୁରେଶ କୁମାର ଉପସ୍ଥିତ ରହି ସମସ୍ତ କାର୍ଯକ୍ରମକୁ ତଦାରଖ କରାଇଥିଲେ । ପରିଶେଷରେ ପୂର୍ବତନ ସଭାପତି ୱାକର୍ ଶ୍ରୀ ସୁବାସ ଚନ୍ଦ୍ର ବେହେରା ଧନ୍ୟବାଦ ଅର୍ପଣ କରିଥିଲେ ।
