ରିପୋର୍ଟ: ଗୋପୀନାଥ ଗୌଡ଼ //
ରାୟଗଡ଼ -୪/୧୨/୨୪): ରାୟଗଡା ସଦର ମହକୁମା ଅଶୋକ କଲ୍ୟାଣ ମଣ୍ଡପ ଠାରେ ଆନ୍ତର୍ଜାତୀୟ ଭିନ୍ନକ୍ଷମ ଦିବସ ପାଳିତ ହେଇଯାଇଛି ।
କାର୍ଯ୍ୟକ୍ରମରେ ପୌର ପରିଷଦ ଅଧ୍ୟକ୍ଷ ଶ୍ରୀଯୁକ୍ତ ମହେଶ ପଟନାୟକ, ପୌର ପରିଷଦର ଉପାଧ୍ୟକ୍ଷା ଶ୍ରୀମତୀ ଶୁଭ୍ରା ପଣ୍ଡା, ପୌର ପରିଷଦର କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ସୌମ୍ୟ ରଞ୍ଜନ ମିଶ୍ର, ୧୩ ନମ୍ବର ୱାର୍ଡ଼ କାଉନସିଲର ପ୍ରତିମା ପାଣିଗ୍ରାହୀ, T. ପ୍ରସାଦ ରାଓ , ମିଲନ ଗଣନାୟକ ପ୍ରମୁଖ ଉପସ୍ଥିତ ଥିଲେ। କାର୍ଯ୍ୟକ୍ରମରେ ଭିନ୍ନକ୍ଷମ ମାନଙ୍କ ସ୍ଵାସ୍ଥ୍ୟ ସଚେତନତା ସୃଷ୍ଟି କରିବା, ଭିନ୍ନକ୍ଷମ ମାନଙ୍କ ମନ ବଳ ବଢ଼ାଇବା, ସେମାନଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ଏବଂ ସରକାର ଙ୍କ ପକ୍ଷରୁ ଯାହା ମଧ୍ୟ ସାହାଯ୍ୟ ସହୋଯୋଗ ରହିଛି ତାହା ଯୋଗାଇ ଦିଆଯିବ ବୋଲି ଉପସ୍ଥିତ ଅତିଥି ମାନେ ନିଜ ବକ୍ତବ୍ୟରେ କହିଥିଲେ। ଏହି ଉଦ୍ଧେଶ୍ୟରେ ଉପସ୍ଥିତ ଭିନ୍ନକ୍ଷମ ମାନଙ୍କ ଦ୍ଵାରା ବିଭିନ୍ନ ପ୍ଲାଗ୍ କାର୍ଡ ଧରିଥିବା ପ୍ରଦର୍ଶନ କରୁଥିବାର ଦେଖିବାକୁ ମିଳିଥିଲା।
ପୁଣି ଉପସ୍ଥିତ ଭିନ୍ନକ୍ଷମ ମାନଙ୍କ ମଧ୍ୟରେ ଟ୍ରାଇ ସାଇକେଲ ପ୍ରତିଯୋଗିତା କରାଯାଇଥିଲା। କାର୍ଯ୍ୟକ୍ରମରେ ଉପସ୍ଥିତ ଥିବା ଅତିଥିମାନେ ଭିନ୍ନକ୍ଷମ ସମ୍ପର୍କରେ ସଚେତନ କରିଥିଲେ । ଟ୍ରାଇ ସାଇକେଲ ପ୍ରତିଯୋଗିତାରେ ଭାଗ ନେଇ କୃତିତ୍ୱ ହେଇଥିବା ଭିନ୍ନକ୍ଷମ ମାନଙ୍କୁ ଉପସ୍ଥିତ ଅତିଥିମାନଙ୍କ ଦ୍ୱାରା ପୁରସ୍କୃତ କରାଯାଇଥିଲା । ତତସହିତ କାର୍ଯ୍ୟକ୍ରମର ଅନ୍ତିମରେ ସମସ୍ତଙ୍କ ନିମନ୍ତେ ସୁସ୍ଵାଦୁ ରନ୍ଧା ଖାଦ୍ୟର ବ୍ୟବସ୍ତା ମଧ୍ୟ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ସୂଚାରୁ ରୁପେ ସଙ୍ଗୀତା ପଟନାୟକ ପରିଚାଳନା କରିଥିଲେ। ଏହି କାର୍ଯ୍ୟକ୍ରମରେ ଉପସ୍ଥିତ ପୌର ପରିଷଦର କର୍ମଚାରୀ ମାନେ ସମ୍ପୁର୍ଣ୍ଣ ଭାବେ ସହଜୋଗ କରିଥିଲେ ।
