ରାୟଗଡା ପୂର୍ବତନ ବିଡିଓଙ୍କୁ ବିଦାୟ କାଳୀନ ସମ୍ବର୍ଦ୍ଧନା

ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୨୮/୧୨) : ଶନିବାର ଦିନ ରାୟଗଡା ପୂର୍ବତନ ବିଡିଓ ଅମୂଲ୍ୟ କୁମାର ସାହୁଙ୍କ ବିଦାୟ କାଳୀନ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇ ଯାଇଛି ।

ଅଧ୍ୟକ୍ଷା ଟୁନି ହୁଇକା, ଉପାଧ୍ୟକ୍ଷ ହର ପ୍ରସାଦ ହେପୃକା, ରାୟଗଡା ଉପ ଜିଲ୍ଲାପାଳ କଲ୍ୟାଣୀ ସଂଘମିତ୍ରା ଦେବୀ, ତହସିଲଦାର ପ୍ରିୟଦର୍ଶିନୀ ସ୍ୱାଇଁ, ନୂତନ ବିଡିଓ ସୁଜିତ ମିଶ୍ର, ଏବିଡିଓ କାଳୁ ଚରଣ ନାୟକ, ସହକାରୀ ନିର୍ବାହୀ ଯନ୍ତ୍ରୀ ରାକେଶ ସାହୁ, ଏ ସାନମୁଖା ପାତ୍ର, ସମସ୍ତ ନିର୍ବାହୀ ଅଧିକାରୀ, ଯନ୍ତ୍ରୀ ଓ ଅନ୍ୟାନ୍ୟ ବ୍ଲକ କର୍ମକର୍ତ୍ତା ଉପସ୍ଥିତ ଥିଲେ । ପୂର୍ବତନ ବିଭାଗୀୟ ଅଧିକାରୀ ଦେବୀଦତ୍ତ ଧୀବର, ଏନ୍ ନରେନ୍ଦ୍ର ରାଓ ଓ ବିପିଏମ କମଳିନୀ ପଢ଼ିହାରୀଙ୍କୁ ସମ୍ବର୍ଦ୍ଧିତ କରାଯାଇ ଥିଲା । ଶ୍ରୀ ଅମୂଲ୍ୟ କୁମାର ସାହୁଙ୍କ ନିଷ୍ଠାପର ଉଦ୍ୟମ ଓ ଲୋକସମ୍ପର୍କ ନିମନ୍ତେ ସମସ୍ତେ ଭୂୟସୀ ପ୍ରଶଂସା କରିଥିଲେ । ଏହା ସହିତ ନୂତନ ଭାବେ ଯୋଗଦାନ କରିଥିବା ବିଡିଓ ସୁଜିତ ମିଶ୍ରଙ୍କୁ ଗୃହରେ ସ୍ୱାଗତ ଜଣାଇଥିଲେ । ଏବିଡିଓ କାଳୁ ଚରଣ ନାୟକ କାର୍ଯ୍ୟକ୍ରମ ପରିଚାଳନା କରିଥିଲେ ।