ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୨୬/୧୨) : ରାୟଗଡା ବିଜେଡି ଛାଡି କଂଗ୍ରେସରେ ସାମିଲ୍ ହେଲେ ସଭ୍ୟ ଏବଂ ସଭ୍ୟା ।
ମୁନିଗୁଡା ବ୍ଲକର ଚାରି ଗୋଟି ସମିତି ସଭ୍ୟ/ସଭ୍ୟା ବିଜୁ ଜନତା ଦଳ ପରିତ୍ୟାଗ କରି କୋରାପୁଟ ସାଂସଦ ଏବଂ ବିଷମକଟକ ବିଧାୟକଙ୍କ କାର୍ଯ୍ୟଶୈଳୀ ଓ ଜାତୀୟ କଂଗ୍ରେସ ଦଳର ନୀତି ଆଦର୍ଶରେ ଅନୁପ୍ରାଣିତ ହୋଇ ବିଧିବଦ୍ଧ ଭାବେ ଶ୍ରୀମତୀ ଭାଗ୍ୟଲକ୍ଷ୍ମୀ ଗେମ୍ବେଲି (ମୁନିଖୋଲ ଗ୍ରାମ ପଂଚାୟତ), କୁନି କୁମାରୀ କାଡ୍ରାକା (ଘୋମଟାଗୁଡା ଗ୍ରାମ ପଂଚାୟତ), ଉଦ୍ଧବ ଶିକକା (କୁମୁଡାବାଲି ଗ୍ରାମ ପଂଚାୟତ), ମମତା ପ୍ରାସ୍କାକା (ମୁନିଗୁଡା ପଂଚାୟତ) ଏବଂ ଶରତ ପୀଡିକାକା ଆଦିବାସୀ ନେତା ତଥା ପୂର୍ବତନ ବିଧାୟକଙ୍କ ପୁତ୍ର ବିଜୁ ଜନତା ଦଳ ଛାଡି କଂଗ୍ରେସ ଦଳରେ ମିଶିଛନ୍ତି ।
ଆଜି କୋରାପୁଟ ଲୋକସଭା ସାଂସଦଙ୍କ ବାସ ଭବନରେ ଆସି କଂଗ୍ରେସରେ ସାମିଲ ହୋଇଛନ୍ତି । ଏହି ମିଶ୍ରଣ ପର୍ବରେ ମୁନିଗୁଡା ବ୍ଲକ କଂଗ୍ରେସ ସଭାପତି ଶ୍ରୀ ନୀଳାମ୍ବର ବିଭୋର, ସାଂସଦ ପ୍ରତିନିଧି ରଜନୀକାନ୍ତ ପାଡ଼ାଲ, ବିଧାୟକ ପ୍ରତିନିଧି ମାନସ ରଞ୍ଜନ ବେହେରା, ସରସ୍ୱତୀ ଶବର ମୁନିଗୁଡା ସରପଞ୍ଚ, ରାଜ୍ୟ କଂଗ୍ରେସ ସାଧାରଣ ସମ୍ପାଦକ ଦୁର୍ଗା ପଣ୍ଡା, ଆସଲାମ ଖାନ, ରାଧା ମୋହନ ଟାକିରି, ଭୀମରାଜ ଶିକକା, ତିଳେକ ନାଗ ପ୍ରମୁଖ ଉପସ୍ଥିତ ରହିଥିଲେ ।
