32.9 C
Balāngīr
Wednesday, April 23, 2025

ରାୟଗଡା ସହର ମଧ୍ୟ ଦେଇ ୨୪ ଘଣ୍ଟା ଭାରି ଯାନ ଚଳାଚଳ ଚିନ୍ତାର କାରଣ

Must read

ରାୟଗଡା, (୩୦/୦୩) : ଆ.ପ୍ର. : ରାୟଗଡା ସହର ମଧ୍ୟ ଦେଇ ଦିନରାତି ୨୪ ଘଣ୍ଟା ଭାରି ଯାନ ଚଳାଚଳ ସାଧାରଣ ଲୋକଙ୍କ ପାଇଁ ଚିନ୍ତାର କାରଣ ପାଲଟିଛିWhatsApp Image 2025 03 29 at 21.02.57 ରାୟଗଡା ସହର ମଧ୍ୟ ଦେଇ ୨୪ ଘଣ୍ଟା ଭାରି ଯାନ ଚଳାଚଳ ଚିନ୍ତାର କାରଣ

ପ୍ରତ୍ୟେକ ଦିନ ରାୟଗଡ଼ ସହରକୁ ୧୦ ଗୋଟି ବ୍ଲକଏବଂ ଆଖପାଖ ଗ୍ରାମାଞ୍ଚଳରୁ ଲୋକେ ନିଜ ନିଜର ଜରୁରି କାମରେ ରାୟଗଡ଼ ଓ ବଜାରକୁ ଆସି ଥାଆନ୍ତି । କିନ୍ତୁ, ୨୪ ଘଣ୍ଟିଆ ଭାରି ଯାନ ଚଳାଚଳ ଯୋଗୁଁ ଟ୍ରାଫିକ ଜାମରେ ଫସି ରହିବା, ଯାତାୟାତରେ ବାଟ ନ ମିଳିବା ଦ୍ଵାରା ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏପରିକି ବଡ଼ ବଡ଼ ଟ୍ରେଲର, କ୍ୟାଣ୍ଟନର, ଟ୍ୟାଙ୍କର, ଲମ୍ବା ଲମ୍ବା ଗ୍ୟାସ, ପେଟ୍ରୋଲ, ଡିଜେଲ୍ ଓ ମାଲ୍ ବୋଝେଇ ଗାଡ଼ି, କାଠ ବୋଝେଇ ଗାଡ଼ି ଗୁଡ଼ିକ ଯାତାୟତରେ ଯୋଗୁଁ ରାୟଗଡା ସହର ଲୋକେ ନାନା ପ୍ରକାର ଯାତାୟତ ସମସ୍ୟାର ସମ୍ମୁଖିନ ହେଉଛନ୍ତି । ଅଧିକ ଜାମ ହେଲେ ଛୋଟ ବଡ ଦୁର୍ଘଟଣା ମଧ୍ୟ ଘଟୁଛି । ରାୟଗଡା ସହରରେ ସଂକୀର୍ଣ୍ଣ ରାସ୍ତା ସାଙ୍ଗକୁ ଭାରି ଯାନ ଚଳାଚଳ ଯୋଗୁଁ ସ୍କୁଲ କଲେଜ ଛାତ୍ର ଛାତ୍ରୀ ସ୍କୁଲ କଲେଜ ବସ୍ ବିଳମ୍ବରେ ପହଞ୍ଚୁଛନ୍ତି ବୋଲି ଅଭିଭାବକ ମାନେ କହିଛନ୍ତି । ପଥଚାରି, ଅଫିସ୍ ଯିବା କର୍ମଚାରୀ, ବ୍ୟାପାର, ବାଣିଜ୍ୟ କରି ଚଳୁଥିବା ଲୋକମାନେ ମଧ୍ୟ ଯାତାୟତ ସମସ୍ୟାର ସମ୍ମୁଖିନ ହେଉଛନ୍ତି । ପ୍ରତ୍ୟେକ ଦିନ ରାସ୍ତା ଉପରେ ଓ ଛକ ଗୁଡ଼ିକରେ ଛୋଟ ବଡ ଦୁର୍ଘଟଣା ହେଉଥିବା ଦେଖିଵାକୁ ମିଳୁଛି ।

ମଝିଘଟିଆଣି ବ୍ରିଜ ପୋଲ ଦେଇ ଆସୁଥିବା ମହାରାଷ୍ଟ୍ର, ହରିୟାଣା, ପଞ୍ଜାବ, ଛତିଶଗଡ଼, ଆନ୍ଧ୍ରପ୍ରଦେଶ, ଦିଲ୍ଲୀ, କର୍ଣ୍ଣାଟକ, ତାମିଲନାଡୁ ଏହିପରି ସମସ୍ତ ରାଜ୍ୟର ବଡ଼ବଡ଼ ମାଲ୍ ବୋଝେଇ ଟ୍ରକ ଗୁଡ଼ିକ ସହର ମଧ୍ୟ ଦେଇ ଯାତାୟତ କରୁଛି । ସାଉଣ୍ଡ ହର୍ଣ୍ଣ ସାଙ୍ଗକୁ ମାଳମାଳ ମାଲ୍ ବୋଝେଇ ଗାଡ଼ିର ଧୂଳି ଧୂସର ହେତୁ ସହର ବାସିନ୍ଦା ବିଭିନ୍ନ ପ୍ରକାର ଶ୍ୱାସ ରୋଗ ଏବଂ ହୁର୍ଦ୍ଦଘାତର ଶିକାର ମଧ୍ୟ ହେଉଛନ୍ତି। ସହରରେ ଥିବା ପ୍ରମୁଖ ଛକ ଗୁଡିକରେ ଅଧିକାଂଶ ଜାଗାରେ ଟ୍ରାଫିକ ରହୁ ନ ଥିବା ଦେଖିବାକୁ ମିଳୁଛି। ଏପରିକି ସିଗନାଲ ବୋର୍ଡ ଓ ମିରୋର୍ ନ ଲାଗିଥିବା ଯୋଗୁଁ ଟ୍ରକ୍ ଡ୍ରାଇଭର ମାନେ ବେଳେ ବେଳେ ମୁଖ୍ୟ ବଜାର ମଧ୍ୟକୁ ମଧ୍ୟ ପସି ଯାଉଛନ୍ତି । ଯାହାଦ୍ବାରା ସାଧାରଣ ଲୋକେ ନାହିଁ ନ ଥିବା ହଟହଟା ହେଉଥିବା ନଜିରକୁ ଆସିଛି ।

ଅନ୍ୟପଟେ ପୁରୁଣା ରାୟଗଡ଼ ସହର ଜିଲ୍ଳାର ମେରୁଦଣ୍ଡ କହିଲେ ଭୁଲ୍ ହେବ ନାହିଁ। ଏଠାରେ ପ୍ରମୁଖ କାର୍ଯ୍ୟଳୟ ଗୁଡ଼ିକ ମଧ୍ଯ ରହିଛି ଯଥା – ଜିସିଡ଼ି ହାଇସ୍କୁଲ୍, ମ୍ୟୁନସିପାଲିଟି ସ୍କୁଲ, ଠକରବାପା ଆଶ୍ରମ, ଷ୍ଟେଟ୍ ବ୍ୟାଙ୍କ, ଲ୍ୟାମ୍ପ, ସରକାରୀ ମୁଖ୍ୟ ଚିକିତ୍ସାଳୟ, ପୁଲିସ ଷ୍ଟେସନ, ଜିଲ୍ଲା କୋର୍ଟ, ଫେମିଲି କୋର୍ଟ, ତହସିଲ ଅଫିସ୍, ପୌରପରିଷଦ କାର୍ଯ୍ୟଳୟ, ଆଇ.ଟି.ଡି.ଏ ଅଫିସ୍, ଗରିବ ଲୋକଙ୍କ ପାଇଁ ୫ଟଙ୍କିଆ ଆହାର କେନ୍ଦ୍ର, ମହାତ୍ମା ଗାନ୍ଧୀ ପ୍ରମୋଦ ଉଦ୍ୟାନ, ମସଜିଦ, ଚର୍ଚ୍ଚ ମ୍ୟୁନିସପାଲିଟି କଲୋନୀ, ପୁଲିସ କଲୋନୀ ଦୈନିକ ବଜାର ସବୁ ରହିଛି। ବର୍ତ୍ତମାନ୍ ସମୟ ପାର୍ବଣର ଋତୁ ବିଭିନ୍ନ ପର୍ବ ପାଳନ କରାଯାଇଥାଏ ଯେ ହେତୁ ୩୦ ତାରିଖରେ ତେଲୁଗୁ ସମ୍ପ୍ରଦାୟର ନୂତନ୍ ବର୍ଷ ଯେଉଁଥି ପାଇଁ ଚଳ ଚଞ୍ଚଳ ହୋଇ ଉଠିଥାଏ ରାୟଗଡ଼ ସହର। ୩୧ ତାରିଖରେ ମୁସଲିମ ମାନଙ୍କ ଇଦୁଲ ଫିତର, ୬ ତାରିଖରେ ଶ୍ରୀ ରାମ ନବମୀ, ୧୪ ତାରିଖ ପଣା ସଂକ୍ରାନ୍ତି, ୨୦ତାରିଖ ଶୋର୍ଯ୍ୟ ଜାଗରଣ ଯାତ୍ରା ଅନ୍ୟପଟେ ନବରାତ୍ରି ଆରମ୍ଭ ହେଉଥିବା ହେତୁ ସହରରେ ଥିବା ସମସ୍ତ ମନ୍ଦିରରେ ଭକ୍ତ ମାନଙ୍କ ଭିଡ ଦେଖିଵାକୁ ମିଳେ।

ଆସନ୍ତା ୮ତାରିଖ ଦିନ ରାୟଗଡ଼ ଜିଲ୍ଲା ଅଧିଷ୍ଠାତ୍ରୀ ଦେବୀ ମାଁ ମଝିଘରିଆଣିଙ୍କ ବାର୍ଷିକ ଉତ୍ସବ ଚୈତ୍ର ପର୍ବ ମଧ୍ୟ ପାଳନ ହୋଇଥାଏ। ଏହିଭଳି ପାର୍ବଣ ପାଳନ ସମୟରେ ୨୪ ଘଣ୍ଟା ସହର ମଧ୍ୟ ଦେଇ ଭାରି ଯାନ ଚଳାଚଳ ସହର ବାସିଙ୍କୁ ବିପଦକୁ ଆମନ୍ତ୍ରଣ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଜୋର ଧରିଛି। ଜିଲ୍ଲା ପୁଲିସ ଓ ଜିଲ୍ଲା ପ୍ରଶାସନ ଦ୍ଵାରା ସକାଳୁ ଓ ସଂଧ୍ୟା କିଛି ଘଣ୍ଟା ପାଇଁ ଏହି ଭାରି ଯାନ ଚଳାଚଳ ବନ୍ଦ କରି ଆବଶ୍ୟକୀୟ ପଦକ୍ଷେପ ଗ୍ରହଣ କରିଲେ କିଛି ମାତ୍ରାରେ ଟ୍ରାଫିକ ସମସ୍ୟାରେ ସୁଧାର ଆସି ପାରିବ ବୋଲି ଆଲୋଚନାର ବିଷୟ ପାଲଟିଛି।

- Advertisement -spot_img

More articles

- Advertisement -spot_img

Latest article

ଅଭିଯୁକ୍ତର କାଠ ଫାଳିଆ ମାଡ଼ରେ କନେଷ୍ଟବଳ ଗୁରୁତର, ବଲାଙ୍ଗିର ଭୀମ ଭୋଇ ମେଡିକାଲରେ ଭର୍ତ୍ତି

ବଲାଙ୍ଗିର, (୨୩/୦୪) : ଆପ୍ର. : ଥାନା ଭିତରେ ପୋଲିସକୁ ଆକ୍ରମଣ । କାଠ ଫାଳିଆ ମାଡ଼ରେ କନେଷ୍ଟବଳ ସୁଦାମ ନାଗ ଗୁରୁତର । ବଲାଙ୍ଗିର ଭୀମ ଭୋଇ ମେଡିକାଲରେ ଗୁରୁତର କନେଷ୍ଟବଳଙ୍କୁ ଭର୍ତ୍ତି...

ନାବାଳିକାକୁ ଗଣ ଦୁଷ୍କର୍ମ: ୩ ଯୁବକଙ୍କ ସଂପୃକ୍ତ, ପୁଲିସ ତଦନ୍ତ ଆରମ୍ଭ

ସୁନ୍ଦରଗଡ଼଼, (୨୩/୦୪) : ଆପ୍ର. : ସୁନ୍ଦରଗଡ଼଼ ଜିଲ୍ଲା ତଳସରା ଥାନା ଅଞ୍ଚଳରେ ଲଜ୍ଜା। ଜଙ୍ଗଲକୁ ଟେକି ନେଇ ନାବାଳିକାକୁ ଗଣ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଏକୋଇଶିଆ ଭୋଜି ଖାଇ ସାଙ୍ଗମାନଙ୍କ...

ଓଡ଼ିଶା ଆଦର୍ଶ ବିଦ୍ୟାଳୟରେ ବିଶ୍ୱ ପୃଥିବୀ ଦିବସ ପାଳିତ

ପାଟଣା, (୨୪/୦୩) : ଆପ୍ର. : ଢେଙ୍କିକୋଟ ଟିକିରା ସ୍ଥିତ ଘଟଗାଁ ବ୍ଲକ ଓଡ଼ିଶା ଆଦର୍ଶ ବିଦ୍ୟାଳୟରେ ଆଜି ବିଶ୍ୱ ପୃଥିବୀ ଦିବସ ଉତ୍ସାହପୂର୍ଣ୍ଣ ଭାବେ ପାଳନ ହୋଇଯାଇଛି । ପ୍ରାକୃତିକ ସଂପଦର ରକ୍ଷା,...

ବସ୍‌ରୁ ପଡି ଛାତ୍ରୀ ଗୁରୁତର

କଣ୍ଟାବାଞ୍ଜି, (୨୩/୦୪) : ଆପ୍ର. : ବସ୍‌ରୁ ପଡି ନବମ ଶ୍ରେଣୀ ଛାତ୍ରୀ ଗୁରୁତର । ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି କୁକୁଡାହାଟ ଗାଁ ନିକଟରେ ଅଭାବନୀୟ ଘଟଣା ଘଟିଛି । ଆଜି ବସ୍‌ ରୁ...

ସରାସକୋଲା ଉଚ୍ଚ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ପୋଷାକ ବଣ୍ଟନ

ପାଟଣା, (୨୩/୦୪) : ଆପ୍ର. : ପାଟଣା ବ୍ଲକ ସରାସକୋଲା ଉଚ୍ଚ ବିଦ୍ୟାଳୟରେ ଛାତ୍ରଛାତ୍ରୀ ମାନଙ୍କୁ ଆଜି ନୂତନ ପୋଷାକ ବଣ୍ଟନ କରାଯାଇଛି । ଏଠାରେ ୧୩୫ ଜଣ ଛାତ୍ରଛାତ୍ରୀ ପୋଷାକ ବଣ୍ଟନ କରାଯାଇଥିବା...