ଭଦ୍ରକ, (୦୪/୦୭) : ଆପ୍ର. : ରେଳ ଫାଟକ ପାର ହେଉଥିବା ବେଳେ ଅଘଟଣ । ଭଦ୍ରକ କେନ୍ଦୁଆପଦା ରେଳ ଷ୍ଟେସନ ନିକଟରେ ରେଳ ଧାରଣାରେ କଟି ଜଣେ ଯୁବକଙ୍କ ଶୋଚନୀୟ ମୃତ୍ୟୁ ଘଟିଛି ।
ତେବେ ସ୍ଥାନୀୟ ଗୋହିରାପଦୀ ଅଞ୍ଚଳର ଏହି ଯୁବକ ଜଣକ କେନ୍ଦୁଆପଦା ବଜାରକୁ ଆସି ରେଳ ଫାଟକ ଦେଇ ଅପରପାର୍ଶ୍ବକୁ ପାର୍ ହେବାକୁ ଯାଉଥିଲେ । ମାତ୍ର ଟ୍ରେନ ଆସୁଥିବା ସମୟରେ ପଡ଼ିଥିବା ଫାଟକ ଦେଇ ବ୍ୟକ୍ତି ଜଣକ ପାର ହେବାକୁ ଉଦ୍ୟମ କରୁଥିଲେ । ସେହି ସମୟରେ ଏକ ଦୃତ ଗାମୀ ଟ୍ରେନ ତାଙ୍କୁ ଧକ୍କା ଦେଇଥିଲା । ଫଳରେ ସେ ଘଟଣା ସ୍ଥଳରେ ଟ୍ରେନରେ କଟି ଯାଇ ପ୍ରାଣ ହରାଇଥିବା ବେଳେ ତାଙ୍କ ସମ୍ପୁର୍ଣ୍ଣ ଶରୀର ଖଣ୍ଡ ବିଖଣ୍ଡିତ ହୋଇ ରେଳ ଧାରଣାରେ ପଡ଼ିଥିଲା । ତେବେ ରେଳବାଇ ପୋଲିସ୍ ପହଞ୍ଚି ମୃତଦେହକୁ ଜବତ୍ କରି ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡ଼ିଛି ।
