ରିପୋର୍ଟ: ଗୋପୀନାଥ ଗୌଡ଼ //
ବଲାଙ୍ଗିର, ତା୧୩-୦୧୨: ବଲାଙ୍ଗୀର ଜିଲ୍ଲା ଅନ୍ତର୍ଗତ କଣ୍ଟାବାଞ୍ଜି ରେଳ ଷ୍ଟେସନ ନିକଟସ୍ତ କୁକୁଡାହାଡ଼ ଗ୍ରାମ ରେଳ ଲାଇନ ନିକଟ ରୁ ଦୁଇ ଜଣ ମହିଳାଙ୍କ କ୍ଷତ, ବିକ୍ଷତ ମୃତ ଦେହ ପଡ଼ିଥିବା ଦେଖିବାକୁ ମିଳିଛି। ଯାହାକୁ ନେଇ ଅଞ୍ଚଳ ରେ ବେଶ ଚର୍ଚ୍ଚା ର ବିଷୟ ପାଲଟିଛି ।
ଉକ୍ତ ଦୁଇ ମୃତ ମହିଳାଙ୍କ କୌଣସି ପରିଚୟ ବର୍ତ୍ତମାନ ସୁଦ୍ଧା ମିଳି ପାରି ନ ଥିବା ବେଳେ ଗୋଟିଏ ମହିଳାଙ୍କ ମୃତ ଦେହ ରେଳ ଟ୍ରାକର ବାହାରେ ପଡ଼ିଥିବା ବେଳେ ଅନ୍ୟ ଜଣେ ମହିଳାଙ୍କ ମୃତ ଦେହ ରେଳ ଟ୍ରାକ ଭିତରେ ପଡି ରହିଛି । କୌଣସି ଟ୍ରେନ ଦୁଇ ମହିଳାଙ୍କୁ ଧକ୍କା ଦେବା ଫଳରେ ସେମାନଙ୍କ ମୃତ୍ୟୁ ଘଟିଛି ନା କିଏ ହତ୍ୟା କରି ଫିଙ୍ଗି ଦେଇଛି ତାହା ଜିଆରପି ପୋଲିସ ତଦନ୍ତ ଆରମ୍ଭ କରିଛି ବୋଲି ପ୍ରକାଶ କରିଛି । ଅନ୍ୟ ପକ୍ଷରୁ ମୃତ ଦୁଇ ମହିଳା ଏ ଅଞ୍ଚଳର ନୁହେଁ ବୋଲି ପ୍ରକାଶ ପାଇଛି । ଏ ନେଇ ଜିଆରପି ପୋଲିସ ଏକ ମାମଲା ଦାୟର କରି ସବିଶେଷ ତଦନ୍ତ କରିଥିବା ସୂଚନା ଦେଇଛି ।
