ରିପୋର୍ଟ : କ୍ଷମା ସାଗର ଦାଶ
ରାୟଗଡା, (୧୦/୦୩) : ରାୟଗଡା ଜିଲ୍ଲା ମୁନିଗୁଡା ଷ୍ଟେସନ ନିକଟସ୍ଥ ଦୁଇ ନମ୍ବର ପ୍ଲାଟଫର୍ମରୁ ଜଣେ ଅଜଣା ବ୍ୟକ୍ତିଙ୍କ ମୃତ ଦେହ ଉଦ୍ଧାର ହୋଇଥିବା ଜଣାପଡିଛି l
ଘଟଣାରୁ ପ୍ରକାଶ ଯେ ଶନିବାର ବିଳମ୍ବିତ ରାତ୍ରରେ ଭବାନୀପାଟଣା ବିଶାଖାପାଟଣା ପାସେଞ୍ଜର ଟ୍ରେନ ଯିବା ପରେ ଜଣେ ବ୍ୟକ୍ତି ଟ୍ରେନରୁ ଓହ୍ଲାଇ ପ୍ଲାଟଫର୍ମରେ ପଡ଼ିଥିବା ନେଇ ମୁନିଗୁଡା ଜିଆରପି ପୋଲିସ ଖବର ପାଇବା ପରେ ତୁରନ୍ତ ଜିଆରପି ଏଏଆଇ ଏମ. ଶର୍ମା,କନେଷ୍ଟବଲ ଅନୁଜଚନ୍ଦ୍ର ବୈଦ୍ୟଭୂଷଣଙ୍କ ସମେତ ଅନ୍ୟ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ବ୍ୟକ୍ତି ଜଣଙ୍କୁ ଉଦ୍ଧାର କରି ମୁନିଗୁଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ନେଇ ଭର୍ତ୍ତି କରିଥିଲେ l
ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିବା ଜିଆରପି ପୋଲିସ ସୂତ୍ରରୁ ଜଣାପଡିଛି l ଅନ୍ୟପଟେ ମୃତ ବ୍ୟକ୍ତିଙ୍କ ପରିଚୟ ବର୍ତମାନ ସୁଦ୍ଧା ମିଳିନଥିବା ବେଳେ ଜିଆରପି ପୋଲିସ କେଶ ନମ୍ବର ୬/୨୫ରେ ମାମଲା ରୁଜୁ କରିବା ସହ ଶବ ବ୍ୟବଛେଦ ପରେ ରାୟଗଡା ସ୍ଥିତ ମୋର୍ଜ ଗୃହରେ ରଖିବା ସହ ଘଟଣାର ଅଧିକ ତଦନ୍ତ ଜାରି ରଖିଥିବା ଜିଆରପି ଏଏସଆଇ ଶ୍ରୀ ଶର୍ମା ସୂଚନା ଦେଇଛନ୍ତି l
