ରିପୋର୍ଟ : ସନ୍ତୋଷ କୁମାର ନାୟକ
ବଲାଙ୍ଗୀର/ଟିଟିଲାଗଡ, (୧୬/୦୮) : ବଲାଙ୍ଗୀର ଜିଲ୍ଲା ଅନ୍ତର୍ଗତ ଟିଟିଲାଗଡ ରେଳ ଷ୍ଟେସନ ନିକଟରେ ଅବସ୍ଥିତ ମାଦ୍ରାସି ହୋଟେଲ ନାମକ ଲଜ ରେ ଦୀର୍ଘ ଦିନ ରୁ ଚୋରା ଗଞ୍ଜେଇ ବେପାରୀଙ୍କ ସହ ଉକ୍ତ ଲଜ ମାଲିକ ମିଶି କାରବାର କରି ଆସୁଥିବା ଅଭିଯୋଗ ହୋଇଛି ।
ପ୍ରକାଶ ଯେ,ଭାରତ ର ପ୍ରତ୍ୟେକ ସ୍ଥାନ କୁ ଯାତାୟାତ ସୁବିଧା ଥିବା ଏହି ରେଳ ଷ୍ଟେସନ ରୁ କ୍ରମାଗତ ଭାବରେ ଲକ୍ଷ, ଲକ୍ଷ ଟଙ୍କା ର ଗଞ୍ଜେଇ ରାଜ୍ୟ ବାହାର କୁ ଚାଲାଣ କରାଯିବା ଓ ଏହି ଲଜ ମାଲିକ ଏ କାରବାର ରେ ସମ୍ପୁକ୍ତ ଥିବା ସୂଚନା ମିଳିଛି । କିଛି ନିର୍ଦ୍ଦିଷ୍ଟ ଯୁବକ ଙ୍କୁ ହାତ କରି ଟିଟିଲାଗଡ ରେଳ ଷ୍ଟେସନ ରୁ ବିଭିନ୍ନ ରାଜ୍ୟ କୁ ଏହି ଗଞ୍ଜେଇ ପଠା ଯାଉ ଥିଲା । ଗତ ଦୁଇ ମାସ ତଳେ ଉକ୍ତ ଚାଲାଣ କରି ଆସୁଥିବା ଲଜ ମାଲିକ ୨୦ କେଜି ଗଞ୍ଜେଇ ମୁରିବାହାଲ ଥାନା ଅନ୍ତର୍ଗତ ଦେସିଲ ଗ୍ରାମ ର ବିଦ୍ୟା ନାଗ ନାମକ ଜଣେ ଯୁବକ ହାତରେ ଟ୍ରେନ ଯୋଗେ ପଠେଇ ଥିଲେ ।
ପୂର୍ବରୁ ଏଭଳି ଅନେକ ଥର ଉକ୍ତ ଯୁବକ ହାତ ରେ ପଠେଇ ଆସୁଥିବା ଓ ତାକୁ ଟଙ୍କା ଦେଇ ଆସୁଥିଲେ । ଉକ୍ତ ଯୁବକ କୁ ସମତା ନାମକ ଟ୍ରେନ ରେ ପଠେଇ ଥିବା ଓ ବର୍ତ୍ତମାନ ସୁଦ୍ଧା ଫେରି ନ ଥିବା ବେଳେ ତାର କୌଣସି ଖୋଜ,ଖବର ମିଳି ମିଳି ପାରିନି । ଏ ନେଇ ତାଙ୍କ ପରିବାର ଲୋକେ ଏହି ଲଜ୍ ମାଲିକ ଙ୍କୁ ପଚାରିବା ରୁ ସେ ଆଜି, କାଲି କହି ଦିନ ଗଡେଇ ଚାଲିଥିବା ଅଭିଯୋଗ କରିଛନ୍ତି । ସେହିପରି ଏହି ଲଜ୍ ରେ ବିଭିନ୍ନ ରାଜ୍ୟ ର ଅଜଣା ଲୋକ ଙ୍କୁ ବିନା ପରିଚୟ ପତ୍ର ରେ ରଖିବା ସହ ଗଞ୍ଜେଇ ଚାଲାଣ କରି ଆସୁଥିବା ବେଳେ ଏ ନେଇ ଅବକାରୀ ବିଭାଗ ପକ୍ଷରୁ ତୁରନ୍ତ ଚଢାଉ କରାଯାଉ ବୋଲି ଦାବି ହେଉଛି ।
