ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୦୫/୦୮) : ମୁରିବାହାଲ ବ୍ଲକ୍ ଲେବଡା ଗ୍ରାମ ପଞ୍ଚାୟତ ଅନ୍ତର୍ଗତ ମାକ୍ରିପଡ଼ା ଗ୍ରାମର ଲାୟନ୍ସ୍ ୟୁଥ୍ ଆସୋସିଏସନ୍ ତରଫରୁ ପରିବେଶ ସୁରକ୍ଷା ପାଇଁ ଏକ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ କରାଯାଇଥିଲା ।
ଉକ୍ତ କାର୍ଯ୍ୟକ୍ରମରେ ଶତାଧିକ ଗଛ ଲଗାଯାଇଥିଲା। ଲାୟନ୍ସ୍ ୟୁଥ୍ ଆସୋସିଏସନ୍ ର ମ୍ୟାନେଜର କ୍ଷମା ଯୁଗ୍ନିଆ, ସଭାପତି ଭୁଲେଶ୍ୱର ଛତର, ସମ୍ପାଦକ ମଙ୍ଗଲେ ଛତର, କୋଷାଧ୍ୟକ୍ଷ ପରେଶ୍ୱର ଛତର, କଉତୁକ ଛତର, ଶଙ୍କର ଛତର, ହଂଶୁରାଜ୍ ଭୋଇ, ଶେଖର ରଣା, ନିରାକାର ନାଗ, ଦେବଚନ୍ଦ୍ର ଛତର, ଭବାନୀ ଛତର, ପିତାମ୍ବର ବଗର୍ତ୍ତୀ,ସନି ଛତର,ଲିଖିଲ ଛତର, ହୃଷୀକେଶ ଛତର ପ୍ରମୁଖ ବୃକ୍ଷ ରୋପଣ କାର୍ଯ୍ୟକ୍ରମରେ ସାମିଲ ହୋଇ ସଫଲ କରିଥିଲେ । ଆଗାମୀ ଦିନରେ ଗଛଗୁଡ଼ିକର ସୁରକ୍ଷା ମଧ୍ୟ ଦିଆଯିବ ବୋଲି ଉକ୍ତ ଆସୋସିଏସନ୍ ର କୋଷାଧ୍ୟକ୍ଷ ପରେଶ୍ୱର ଛତର ସମେତ ସମସ୍ତ କର୍ମକର୍ତ୍ତା ଶପଥ ନେଇଥିଲେ । ଶେଷରେ ସମସ୍ତ ଯୁବକମାନଙ୍କୁ ଗୋଟିଏ ଲେଖାଏଁ ଗଛ ଲଗାଇ ପରିବେଶ ସୁରକ୍ଷା ତଥା ପୃଥିବୀ ଶିତଳୀ କରଣ କରିବାରେ ଅଂଶ ଗ୍ରହଣ କରିବାକୁ “ବୃକ୍ଷ ହିଁ ଜୀବନ” ବୋଲି ଉତ୍ସାହିତ କରିଥିଲେ।
