ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୧୨/୦୩) : ସୁବର୍ଣ୍ଣପୁର ଜିଲ୍ଲା ଲୁପୁରସିଂହା ଗ୍ରାମରେ ଜମିକୁ ପାଣି ନେବାକୁ ନେଇ ଜଣେ ବ୍ୟକ୍ତକୁ ନିର୍ମମ ଭାବେ ହତ୍ୟା କରିଥିବା ଘଟଣାରେ ପୁଲିସ ୨ଜଣକୁ ଗିରଫ କରିବା ସହ ବ୍ୟବହୃତ ବାଉଁଶ ବାଡ଼ି ଓ ଟାଙ୍ଗିଆ କୁ ଜବତ କରିଥିବା ସାମ୍ବାଦିକ ସମ୍ବିଳନୀରେ ପ୍ରକାଶ କରିଛନ୍ତି ସୁବର୍ଣ୍ଣପୁର ଆରକ୍ଷୀ ଅଧିକ୍ଷକ ରାମ ପ୍ରାସାଦ ସାହୁ ।
ସୂଚନା ଅନୁସାରେ ଏହା ପୂର୍ବ ଶତ୍ରୁତାକୁ ନେଇ ହୋଇଥିଲା ହତ୍ୟାକାଣ୍ଡ। ଅଭିଯୁକ୍ତ ଓ ମୃତକ ଜଣେ ମାଲିକଙ୍କ ଜମିକୁ ଭାଗ ଚାଷ କରୁଥିଲେ । ତେବେ ଉଭୟେ ସମସ୍ତ ଜମିକୁ ଏକା ଚାଷ କରିବାକୁ ଚାହୁଁଥିବା ବିଭିନ୍ନ ସମୟରେ ଉଭୟ ପରିବାର ମଧ୍ୟରେ ଝଗଡ଼ା ଲାଗିଥିଲା । ଗତ ସୋମବାର ସନ୍ଧ୍ୟା ସମୟରେ ପାଣି ମଡ଼ାକୁ ନେଇ ପୁଣି ଉଭୟଙ୍କ ମଧ୍ୟରେ ଝଗଡ଼ା ହୋଇଥିବାବେଳେ ଅଭିଯୁକ୍ତମାନେ କାର୍ତ୍ତିକ ବରିହା(୫୦)କୁ ନିର୍ମମ ଭାବେ ହତ୍ୟା କରିଥିବା ଆରକ୍ଷୀ ଅଧିକ୍ଷକ ଶ୍ରୀ ସାହୁ ସୂଚନା ଦେଇଛନ୍ତି ।
ଉକ୍ତ ଘଟଣା ସଂପର୍କରେ ମୃତକ କାର୍ତ୍ତିକ ବରିହା ର ପୁଅ ଶିବ ବାରିହା ଲଛିପୁର ଥାନାରେ ଅଭିଯୋଗ କରିବାରୁ ପୁଲିସ ଏକ ମକଦ୍ଦମା ରୁଜୁ କରି ତଦନ୍ତ ଜାରି ରଖିଥିଲେ । ଏଥିରେ ସଂପୃକ୍ତି ଥିବା ଅଭିଯୁକ୍ତ ଦଇତାରୀ ପଧାନ (୪୦) ଓ ଶୁକୃ ଭୂଏ (୭୦)କୁ ଗିରଫ କରିଥିବାବେଳେ ଅନ୍ୟ ଜଣେ ଅଭିଯୁକ୍ତ ରାମ ଭୂଏ ଫେରାର ରହିଥିବା ଜଣପଡିଛି ।
