ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର , (୩୦/୧୧) : ସୁବର୍ଣ୍ଣପୁର ଲେପ୍ରା ସୋସାଇଟି ସମ୍ମିଳନୀ କକ୍ଷରେ ଆଜି ସକାଳେ ଏକ ଦିବସୀୟ ଯୋଗ ଶିବିର ଯୋଗବିଦ୍ ଗୋରେଖନାଥ ସାହୁଙ୍କ ମାର୍ଗଦର୍ଶନରେ ଅନୁଷ୍ଠିତ ହୋଇଯାଇଛି ।
ଏହି ଶିବିରରେ ଲେପ୍ରା ସୋସାଇଟିର ହାଇଦ୍ରାବାଦ ସ୍ଥିତ ମୁଖ୍ୟାଳଯର ମୁଖ୍ୟ କାର୍ଯ୍ୟ ନିର୍ବାହୀ ଇଂ. ପ୍ରଶାନ୍ତ କୁମାର ନାଏକ ମୁଖ୍ୟ ଅତିଥି ତଥା ପ୍ରଖ୍ୟାତ ସମାଜସେବିକା ଶ୍ରୀମତୀ ନୁରିଆ ବେନାଇଟେଜ ସମ୍ମାନିତ ଅତିଥିଭାବେ ଯୋଗଦେଇ ଶିବିରାର୍ଥୀ ମାନଙ୍କୁ ଉଦବୋଧନ ଦେଇଥିଲେ । ଯୋଗ ସାଧନା ଦ୍ବାରା ଶରୀର ଓ ମନକୁ କିପରି ସୁସ୍ଥ ରଖାଯାଇ ପାରେ ସେ ସଂପର୍କରେ ବିଶେଷ ପ୍ରଶିକ୍ଷଣ ଦିଆଯାଇଥିଲା । ଏଥିରେ ସୁବର୍ଣ୍ଣପୁର କୁଷ୍ଠାଶ୍ରମର ଅନ୍ତେବାସୀମାନଙ୍କୁ ମିଶାଇ ମୋଟ ଚାଳିଶଜଣ କୁଷ୍ଠମୁକ୍ତ ପୁରଷ ଓ ମହିଳା ଯୋଗ ଦେଇଥିଲେ । ଅତିଥିମାନେ ଉପସ୍ଥିତ ସମସ୍ତଙ୍କୁ ଫଳ ବଣ୍ଟନ କରିଥିଲେ । ଶେଷରେ ସୋସାଇଟିର ସଂଯୋଜକ ନୃସିଂହ ଚରଣ ମିଶ୍ର ଧନ୍ୟବାଦ ଅର୍ପଣ କରିଥିଲେ ।
