କାଶୀନଗର ୨୪/୩-ଆପ୍ର): ଗଜପତି ଜିଲ୍ଲା କାଶୀନଗର ବ୍ଲକ ଶିଆଳି ପଞ୍ଚାୟତ ଠାରେ ସଂଯୁକ୍ତ ଜଣ ଅଭିଯୋଗ ଶୁଣାଣି ସହ ଗ୍ରମାମୁଖି ପ୍ରଶାସନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଏହି ଅଭିଯୋଗ ଶୁଣାଣି ପ୍ରକୋଷ୍ଠରେ ଗଜପତି ଜିଲ୍ଲା ମୁଖ୍ୟ ଉନ୍ନୟନ ଅଧିକାରୀ ଶଙ୍କର କେରକେଟା, ଆରକ୍ଷୀ ଅଧିକ୍ଷକ ଯତୀନ୍ଦ୍ର କୁମାର ପଣ୍ଡା, ପିଏ-ଆଇଟିଡିଏ ଅଂଶୁମାନ ମହାପାତ୍ର, ବ୍ଲକ ଅଧ୍ୟକ୍ଷା ବି. ସାୟାମ୍ମାଙ୍କ ଉପସ୍ଥିତିରେ ଅଭିଯୋଗ ଶୁଣାଣି କରାଯାଇଥିଲା ।
ସ୍ଥାନୀୟ ତହସିଲଦାର ସୁଧୀର କୁମାର ନନ୍ଦ, ବିଡ଼ିଓ ଡମ୍ବୁରଧର ମଲ୍ଲିକ, ବନବିଭାଗ ଅଧିକାରୀ, ସରପଞ୍ଚ ରାମପ୍ରସାଦ ପଟ୍ଟାୟକ ଓ ଅନ୍ୟ ସମସ୍ତ ବିଭାଗ ଅଧିକାରୀ ଉପସ୍ଥିତ ହୋଇଥିଲେ । ସେହିପରି ଜିଲ୍ଲାର ସମସ୍ତ ବିଭାଗ ସ୍ୱାସ୍ଥ୍ୟ, ଶିକ୍ଷା, ଜଳ, ଗ୍ରାମୀଣ, ପୂର୍ତ୍ତି, କୃଷି, ଶିଶୁ ବିକାଶ, ପ୍ରାଣୀ ଚିକିତ୍ସା, ମହିଳା ସଶକ୍ତିକରଣ, ଅନନ୍ୟ ସମସ୍ତ ବିଭାଗର ଅଧିକାରୀ କର୍ମଚାରୀ ଉପସ୍ଥିତ ହୋଇଥିଲେ। ଉକ୍ତ ଶୁଣାଣି କାର୍ଯ୍ୟକ୍ରମରେ ବ୍ୟକ୍ତିଗତ ଅଭିଯୋଗ ୫୦ଗୋଟି ଓ ସାମୂହିକ ୨୮ଟି ଅଭିଯୋଗ ଶୁଣାଣି କରାଯାଇଥିଲା। ମୋଟ ୭୯ଟି ଦରଖାସ୍ତ ପ୍ରଶାସନ ପାଖରେ ଦାଖଲ ହୋଇଥିବା ଜଣାପଡିଛି । ଏହି ଜଣ ଅଭିଯୋଗ ଶୁଣାଣୀ କାର୍ଯ୍ୟକ୍ରମକୁ ବିଡିଓ ଦମ୍ବୁରଧର ମଲ୍ଲିକ ପରିଚାଳନା କରିଥିବା ବେଳେ ସାମାଜିକ ସୁରକ୍ଷା ଅଧିକାରୀ କେ.ସୀତାରାମ ଓ ପିଇଓ ଭଗବାନ ନାୟକ ସହଯୋଗ କରିଥିଲେ। ଶାନ୍ତି ବଜାଇ ରଖିବା ନେଇ ପୁଲିସ କର୍ମଚାରୀ ମୁତୟନ ହୋଇଥିଲେ।
