ସୁବର୍ଣ୍ଣପୁର, (୨୮/୦୩) : ଆ.ପ୍ର. : ସୁବର୍ଣ୍ଣପୁର ଜିଲ୍ଲା ବିନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଠାରେ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଅଛି ।
ଶିଶୁ କନ୍ୟା ଭୃଣ ନିରୂପଣ ଆଇନ ସଚେତନତା କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଡା. ଶୋଭାଗ୍ୟ ରଞ୍ଜନ ପୁରୋହିତ, ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ , ବିନିକା, ଅକୃର କୁମାର ହୋତା, ପି. ଏଚ. ଇ. ଓ., ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର, ବିନିକା, ଶାନ୍ତନୁ କୁମାର କର୍ଣ୍ଣ , ସଭ୍ଯ, ଶିଶୁ ମଙ୍ଗଳ ସମିତି, ସୁବର୍ଣ୍ଣପୁର ଡ଼ି ସି ପି ଉ, ସୁବର୍ଣ୍ଣପୁରର ପି. ଓ. ଆଇ. ସି., ବିଜୟ କୁମାର ବିଶ୍ଵାଳ, ଆଉଟ ରିଚ ୱାର୍କର ଥବିର କାଳସେ ଏବଂ କଉନ୍ସେଲର ପ୍ରଶାନ୍ତ ମହାକୁର ଓ ଜିଲ୍ଲା ସଂଯୋଜକ, ବାଲ୍ୟ ବିବାହ ଅକ୍ଷୟ କୁମାର ସିଂ ଉପସ୍ଥିତ ରହି ବିନିକା ବ୍ଲକର ବିଭିନ୍ନ ଗ୍ରାମରୁ ଆସିଥିବା ୫୦ଜଣ ଆଶା କର୍ମୀ ମାନଙ୍କୁ ନେଇ ଏକ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ମୁଖ୍ୟ ଅତିଥି ଗାଁରେ ଲୋକ ମାନଙ୍କୁ ସଚେତନ କରାଇବା ପାଇଁ ଆଶାକର୍ମୀ ମାନଙ୍କୁ ପରାମର୍ଶ ଦେଇଥିଲେ ଯଦିଓ ଜାତୀୟ ହାରଠୁ ଆମେ ସନ୍ତୋଷ ଜନକ ସ୍ଥିତି ରେ ଅଛୁ ତଥାପି ପ୍ରତି ୧୦୦୦ ପୁରୁଷରେ ୧୦୦୦ ନାରୀ ହେବା ପାଇଁ ଆହ୍ଵାନ ଦେଇଥିଲେ ।
ଜିଲ୍ଲା ସଂଯୋଜକ, ବାଲ୍ୟ ବିବାହ ଅକ୍ଷୟ କୁମାର ସିଂ ବେଟି ବଚାଓ ଓ ବେଟି ପଢାଓ ଶିଶୁ ର ଅଧିକାର ବିଷୟରେ ଆଲୋକପାତ କରିଥିଲେ। ଡ଼ି ସି ପି ଉ, ସୁବର୍ଣ୍ଣପୁରର ପି. ଓ. ଆଇ. ସି., ବିଜୟ କୁମାର ବିଶ୍ଵାଳ, ପି.ସି.ପି.ଏନ.ଡ଼ି.ଟି. ଆଇନର କାର୍ଯ୍ୟକାରିତା ବିଷୟରେ ସଚେତନ କରାଇଥିଲେ । ଶିଶୁ ମଙ୍ଗଳ ସମିତି, ସୁବର୍ଣ୍ଣପୁରର ସଭ୍ଯ ଶାନ୍ତନୁ କୁମାର କର୍ଣ୍ଣ ସଦ୍ୟ ଜନ୍ମିତ ଅବାଞ୍ଛିତ ଶିଶୁକୁ ନ ଫୋପାଡି ଆମ ଜିଲ୍ଲାର ପୋଷ୍ୟ ସନ୍ତାନ ଗ୍ରହଣ କେନ୍ଦ୍ର, ଡ଼ି.ସି.ପି.ଓ., ସୁବର୍ଣ୍ଣପୁର କିମ୍ବା ଶିଶୁ ମଙ୍ଗଳ ସମିତି, ସୁବର୍ଣ୍ଣପୁର କୁ ଜଣାଇବାକୁ କହିଥିଲେ । ଏହିପରି ବହୁତ ଘଟଣା ଘଟୁଥିବା ବେଳେ ଲୋକେ ଏହିପରି ବ୍ୟବସ୍ଥା ଥିବା ଜାଣି ସୁଦ୍ଧା ଜଣାଉ ନ ଥିବାରୁ ସର୍ବସାଧାରଣରେ କ୍ଷୋଭ ପ୍ରକାଶ ପାଇଥିଲା ।
ଭବିଷ୍ୟତରେ ଏହିପରି କୌଣସି ବ୍ୟକ୍ତି ବିଶେଷ ଏହିପରି ସୂଚନା ପାଇଲେ ତୁରନ୍ତ ଟୋଲ ଫ୍ରୀ ନଂ-୧୦୯୮(୨୪ X୭) , ଶିଶୁ ମଙ୍ଗଳ ସମିତି, ସୁବର୍ଣ୍ଣପୁର, ଡ଼ି. ସି. ପି. ଉ., ସୁବର୍ଣ୍ଣପୁର କିମ୍ବା ପୋଷ୍ୟ ସନ୍ତାନ ଗ୍ରହଣ କେନ୍ଦ୍ରକୁ ଜଣାଇବାକୁ କହିଥିଲେ । ଶେଷରେ ପ୍ରଶାନ୍ତ କୁମାର ମହାକୁର କଉନ୍ସେଲର, ଡ଼ି ସି ପି ଉ, ଧନ୍ଯବାଦ ଅର୍ପଣ କରିଥିଲେ ।
