ରିପୋର୍ଟ : ଧୃବରାଜ ମିଶ୍ର
ସୁବର୍ଣ୍ଣପୁର, (୦୫/୦୮) : ଅଷ୍ଟ ଶମ୍ଭୁ ଙ୍କ ପୀଠ ସୁବର୍ଣ୍ଣପୁର ଠାରେ ଶ୍ରାବଣ ର ତୃତୀୟ ସୋମବାର ରେ କାଉଡିଆଙ୍କ ଭିଡ ଦେଖିବାକୁ ମିଳିଥିଲା ।
ଏଥିପାଇଁ ସକାଳୁ ସହରର ବାବା ସୁବର୍ଣ୍ଣ ମେରୁ, ରାମେଶ୍ୱର, ପଞ୍ଚରଥ ମନ୍ଦିର, ଗୋକର୍ଣ୍ଣେଶ୍ଵର, ପଶ୍ଚିମ ସୋମନାଥ, ଲୋକନାଥ, ଖୁକୁଡେଶ୍ଵର ମହାଦେବ ପ୍ରଭୃତି ମନ୍ଦିର ମାନଙ୍କରେ ଶତାଧିକ କାଉଡିଆ ପବିତ୍ର ମହାନଦୀ ର ସଙ୍ଗମ ସ୍ଥଳୀରୁ ପାଣି ଉଠାଇ ସମସ୍ତ ଶିବ ମନ୍ଦିର ରେ ଜଳାଭିଷେକ କରିଥିଲେ । ଏଥିପାଇଁ ମନ୍ଦିର କମିଟି ମାନଙ୍କ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଥିବାବେଳେ ଅନେକ ଦାତବ୍ୟ ଅନୁଷ୍ଠାନ ମାନଙ୍କ ଦ୍ଵାରା ବିଭିନ୍ନ ମନ୍ଦିର ପରିସରରେ ଅନ୍ନ ପ୍ରସାଦ ବଣ୍ଟନ କରାଯାଇଥିଲା ।
ସେହିପରି ଜିଲ୍ଲାର ହରଡ଼ଖୋଲ ପଂଚାୟତ ର ବୈଦ୍ୟନାଥର କୋଶଳେଶ୍ୱର ବାବା, ଚରଦା ର କପିଳେଶ୍ୱର, ବିନିକା ର ଯୋଗେଶ୍ୱର, ଚମ୍ପାମାଳ ର ଚମ୍ପେଶ୍ୱର, ବୀରମହାରାଜପୁର ଉପଖଣ୍ଡ ର ଗୋଧନେଶ୍ୱର ବାବା ପ୍ରଭୃତି ପ୍ରସିଦ୍ଧ ଶୈବପୀଠ ମାନଙ୍କରେ ଭକ୍ତ ଙ୍କ ପ୍ରବଳ ଜନଗହଳି ପରିଲକ୍ଷିତ ହେବାସହ ବୋଲବମ୍ ଓ ହରହର ମହାଦେବ ଧ୍ୱନୀ ରେ ସମସ୍ତ ଅଞ୍ଚଳ ପ୍ରକମ୍ପିତ ହୋଇଛି l
