ରିପୋର୍ଟ : ଓଡିଶା ନୀହଳ ୨୪ ବ୍ୟୁରୋ //
ଗଜପତି, (୦୨/୦୬) : ସଡ଼କ ଦୁର୍ଘଟଣାରେ ଚାଲିଗଲା ଶିକ୍ଷକଙ୍କ ଜୀବନ । ଦିନକୁ ଦିନ ଘଟିଚାଲିଛି ଦୁର୍ଘଟଣା । ଯାହାଫଳରେ କେତେକଙ୍କ ଜୀବନ ଚାଲିଯାଉଛି ତ ଆଉ କେତେକଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହୋଇଯାଉଛି ।
ବାଇକ ଯୋଗେ ବିଦ୍ୟାଳୟକୁ ଯାଉଥିବା ସମୟରେ ଘଟିଗଲା ଦୁର୍ଘଟଣା । ଗୁରୁତର ଆହତ ଅବସ୍ଥାରେ ଡାକ୍ତରଖାନରେ ଚିକିତ୍ସିତ ହେଉଥିବାବେଳେ ଶିକ୍ଷକଙ୍କ ମୃତ୍ୟୁ ହୋଇଛି । ଏଭଳି ଘଟଣା ସାମ୍ନାକୁ ଆସିଛି ଗଜପତି ଜିଲ୍ଲାରୁ । ସୂଚନା ଅନୁଯାୟୀ,ଗଜପତି ଜିଲ୍ଲା ପାରଳାଖେମୁଣ୍ଡି ଗୁମ୍ମା ଅଭିମୁଖେ ମୃତ ଶିକ୍ଷକ ଜଣକ ବାଇକ୍ ଯୋଗେ ବିଦ୍ୟାଳୟକୁ ଯାଉଥିଲେ । ସେ ଗୁମ୍ମା ବ୍ଲକ ଜାଙ୍ଗଲ ଠାରେ କୌଣସି କାରଣ ବଶତଃ ତାଙ୍କର ଦୁର୍ଘଟଣା ହୋଇଥିଲା ।
ସ୍ଥାନୀୟ ଲୋକେ ତାଙ୍କୁ ଗୁରୁତର ଆହତ ଅବସ୍ଥାରେ ଆଣି ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଇଥିଲେ । ଚିକିତ୍ସାଧୀନ ଅବସ୍ଥାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ମୃତ ଶିକ୍ଷକ ପାରଳାଖେମୁଣ୍ଡି କାଚରା ସାହିର ବାସିନ୍ଦା ହୋଇଥିବା ବେଳେ ସେ କେଶପୁର ଉଚ୍ଚ ବିଦ୍ୟାଳୟରେ ଶିକ୍ଷକତା କରୁଥିବା ସୁଚନା ରହିଛି । ବର୍ତ୍ତମାନ ଏହି ଘଟଣା ସମ୍ପର୍କରେ ସେରଙ୍ଗ ପୋଲିସ ଖବର ପାଇ ତଦନ୍ତ ଆରମ୍ଭ କରିଛି।
