ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୫/୧) : ଆଜି ଗୁଣପୁର ପୂର୍ତ୍ତବିଭାଗ ଡାକବଙ୍ଗଳା ଠାରେ ସଡ଼କ ସୁରକ୍ଷା ଦିବସ ପାଳନ ନିମନ୍ତେ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି ।
ଆସନ୍ତା ୭ /୧/୨୫ ତାରିଖ ମଙ୍ଗଳବାର ଦିନ ସ୍ଥାନୀୟ ମିଡିଆ କ୍ଲବ ଗୁଣୁପୁର ଓ ଆଦର୍ଶ ଥାନା ଗୁଣପୁର ଆନୁକୁଲ୍ୟରେ ସଡ଼କ ସୁରକ୍ଷା ଦିବସ ଅବସରରେ ଏକ ସାମାଜିକ ସଚେତନତା କାର୍ଯ୍ୟକ୍ରମ କରାଯିବା ନିମନ୍ତେ ସ୍ଥିର କରାଗଲା । ଉକ୍ତ ଦିନ କିଛି ଅନୁଷ୍ଠାନର ଛାତ୍ରଛାତ୍ରୀ ଙ୍କ ସହଯୋଗରେ ସକାଳ ୯ଘଣ୍ଟା ଠାରୁ ସମସ୍ତ ସଦସ୍ୟ ସ୍ଥାନୀୟ ପୁରୁଣା ବସଷ୍ଟାଣ୍ଡ ଗାନ୍ଧୀ ପ୍ରତିମୂର୍ତ୍ତି ଠାରୁ ଏକ ବିଶାଳ ରାଲିରେ ଵାହାରି ବାଇପାସ୍ ଛକ ଯାଏଁ ଯିବାକୁ ସ୍ଥିର କରାଯାଇଛି । ତାପରେ ସମସ୍ତ ସଦସ୍ୟ ଓ ରାଲିରେ ଯୋଗଦାନ କରିଥିବା ଛାତ୍ରଛାତ୍ରୀ ଙ୍କ ନିମନ୍ତେ ଜଳପାନ ର ବ୍ୟବସ୍ଥା କରିବା ପାଇଁ ସ୍ଥିର ହୋଇଛି ।
ଏଥିରେ ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ଲାକାର୍ଡ ଦର୍ଶାଯାଇ, ସଡ଼କ ସୁରକ୍ଷା ଦିବସ ଜନିତ ସଚେତନତା ଅଭିଯାନ ଉଦ୍ଦେଶ୍ୟରେ ବିଭିନ୍ନ ଉଦ୍ଧେଶ୍ୟ ମୂଳକ କୋଟେସନ୍ ଦ୍ଵାରା ସ୍ଲୋଗାନ ସହ କାର୍ଯ୍ୟକ୍ରମକୁ ସଫଳ କରିବା ନିମନ୍ତେ ସ୍ଥିର କରାଗଲା । ବିଶେଷ କରି ସାଧାରଣ ଜନତାଙ୍କୁ ସଡ଼କ ସୁରକ୍ଷା ଦିବସ ଉପଲକ୍ଷେ ସଚେତନତା କରି ଜୀବନ ରକ୍ଷାର ଉପାୟ ବତାଇବା ଏହି କାର୍ଯ୍ୟକ୍ରମର ମୂଳ ଲକ୍ଷ । ଏହି ସଚେତନତା କାର୍ଯ୍ୟକ୍ରମ ଦ୍ଵାରା ଯଦି କିଛି ଜନସାଧାରଣ ଙ୍କ ଜୀବନ ରକ୍ଷା ହୋଇପାରିବ ତେବେ ଆମେ ଜାଣିବୁ ଆମ କାର୍ଯ୍ୟକ୍ରମ ସଫଳ ହେଲା । ଶେଷରେ ଏତିକି କହିବୁ ସଚେତନ ହୁଅନ୍ତୁ ସୁରକ୍ଷିତ ରୁହନ୍ତୁ ।
