ରିପୋର୍ଟ : ଭଗବାନ ମହାନ୍ତି
ମୁରିବାହାଲ, (୪/୩) : ମୁରିବାହାଲ ବ୍ଳକ ଅନ୍ତର୍ଗତ ବାଙ୍କେଲ ଗ୍ରାମ ସଦର ମହକୁମାରେ ସମଲେଶ୍ଵରୀ ଶିଶୁ ମନ୍ଦିର ୧୨ତମ ବାର୍ଷିକ ଉତ୍ସବ ମଙ୍ଗଳବାର ଅନୁଷ୍ଠିତ ହୋଇଯାଇଛି ।
ଏହି ଉତ୍ସବରେ ମୁଖ୍ୟ ଅତିଥି ରୂପେ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ, ମୁଖ୍ୟ ବକ୍ତା ମାଲିଶିରା ହାଇସ୍କୁଲ ପ୍ରଧାନ ଶିକ୍ଷକ ପୁରୁଷୋତ୍ତମ ବାଗ ସମ୍ମାନିତ ଅତିଥି ଭାବେ କନିଷ୍ଠ ପରିଚାଳକ, ଇଡକୋ, ବଲାଙ୍ଗିର ଆଲୋକ ରଞ୍ଜନ ବାଇ,ବିଧାୟକ ପ୍ରତିନିଧି,ମୁରିବାହାଲ ଗଙ୍ଗାଧର ହେର୍ଣ୍ଣା, ଜିଲ୍ଲା ସଂଯୋଜକ ସମଲେଶ୍ୱରୀ ଶିକ୍ଷା ସଂସ୍ଥାନ କୃପାସିନ୍ଧୁ ପୁଟେଲ, ପରିଚାଳନା ସମିତି ସଭାପତି ପୂର୍ଣ୍ଣଚନ୍ଦ୍ର ପୁଟେଲ, ସଂପାଦକ ତଥା ପୂର୍ବତନ ସରପଞ୍ଚ ଅଗସ୍ତି ବାଗ, ବିଜେପି ମଣ୍ଡଲ ସଭାପତି ଈଶ୍ୱର ପୁଟେଲ, ୨୯ ନ ଜୋନ୍ ସଭାପତି ସୁବାଷ ପୋଢ଼, ୨୮ ନ ଜୋନ୍ ସଭାପତି ପ୍ରଦୀପ ବଛା,ବିଟାବନ୍ଧ କ୍ଳଷ୍ଟର୍ ସିଆରସିସି ଲକ୍ଷପତି ହରପାଳ, ଏନଜିଓ ସଂଯୋଜକ ଦିପ୍ତିମୟୀ ପଧାନ ମଞ୍ଚାସିନ ଥିଲେ ।
ପ୍ରଥମେ ମୁଖ୍ୟ ଅତିଥି ଦୀପ ପ୍ରଜ୍ଜ୍ୱଳନ କରି କାର୍ଯ୍ୟକ୍ରମ କୁ ଉଦଘାଟନ କରିଥିଲେ। ମୁଖ୍ୟ ଅତିଥି ଅଭିଭାଷଣ ପରେ ପୂର୍ବରୁ ଅନୁଷ୍ଠିତ ବିଭିନ୍ନ କୃତି ଛାତ୍ର ଛାତ୍ରୀ ମାନଙ୍କୁ ପୁରସ୍କାର ବିବରଣୀ କରାଯାଇଥିଲା| ଏହି ଅବସରରେ ଶିଶୁ ମନ୍ଦିର ର କୁନି କୁନି ଛାତ୍ରଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ । କାର୍ଯ୍ୟକ୍ରମକୁ ଶିଶୁ ମନ୍ଦିର ଗୁରୁଜୀ ତରଙ୍ଗ ରଣା ପରିଚାଳନା କରିଥିବା ବେଳେ ସମ୍ପାଦକ ଶ୍ରୀ ବାଗ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମ କୁ ପ୍ରଧାନ ଆଚାର୍ଯ୍ୟ ଅଲେଖ ସାହୁ, ଉପ ପ୍ରଧାନ ଆଚାର୍ଯ୍ୟ ନିରଞ୍ଜନ ପାଣ୍ଡେ ଙ୍କ ସମେତ ସମସ୍ତ ଗୁରୁଜୀ ଗୁରୁମା ଓ ପରିଚାଳନା ସମିତି ର ସମସ୍ତ ସଦସ୍ୟ ସହଯୋଗ କରିଥିଲେ।
