ରିପୋର୍ଟ : ଗୋପୀନାଥ ଗୌଡ଼
ରାୟଗଡା, (୨୧/୦୧) : ରାୟଗଡା ଜିଲ୍ଲା କାଶିପୁର ବ୍ଲକ ଅନ୍ତର୍ଗତ ଅଣ୍ଡିରାକଞ୍ଚ ଥାନା କଟାଖାଲ ଗ୍ରାମର ସରପଞ୍ଚ ମସ୍ତରାମ ମାଝୀ ଏବଂ ତାଙ୍କ ସମର୍ଥକ ମାନେ ମିଶି ଆଜି ଥାନା ଘେରାଉ କରିଥିଲେ।
ଗତ ୧୬ତାରିଖ ଦିନ ସରପଞ୍ଚ ମାଝୀ ଙ୍କୁ ମରଣାନ୍ତକ ଆକ୍ରମଣ ହୋଇଥିଲା । ସିଲଭର ଓକ୍ ପ୍ଲାଣ୍ଟସେନ୍ ବିଲ୍ ପ୍ରଦାନକୁ କେନ୍ଦ୍ର କରି ଏହି ଆକ୍ରମଣ ହୋଇଥିଲା । ଘଟଣାକୁ ନେଇ ରାୟଗଡ଼ ଥାନାରେ ସରପଞ୍ଚ ଏତେଲା ଦେଇଥିଲେ। ପୁଲିସ ଘଟଣାର ତଦନ୍ତ ଆରମ୍ଭ କରିଛନ୍ତି। କିନ୍ତୁ, ଏଯାବତ୍ ମାଡ ମାରିଥିବା ଜେ.ଇ ଶ୍ରୀ କୁମାର୍ ନାୟକଙ୍କୁ କାହିଁକି ଗିରଫ କରାଯାଇ ନାହିଁ ବୋଲି ପ୍ରଶ୍ନ କରିଛନ୍ତି । ଅନ୍ୟ ପକ୍ଷରେ କାଶିପୁର ବ୍ଲକ ଜଳ ବିଭାଜିକା ମୃତ୍ତିକା ସଂରକ୍ଷଣ ସମ୍ପ୍ରସାରଣ ଅଧିକାରୀ ଶ୍ରୀ କୁମାର୍ ନାୟକ ମଧ୍ୟ ସରପଞ୍ଚଙ୍କ ବିରୁଦ୍ଧରେ ପାଲଟା ଅଭିଯୋଗ କରିଛନ୍ତି । ଉକ୍ତ ଘଟଣାକୁ ଜିଲ୍ଲା ସରପଞ୍ଚ ସଂଘ, ଜିଲ୍ଲା ଆଦିବାସୀ ସଂଘ, ଜିଲ୍ଲା ଡ଼ମ୍ବ ସମାଜ୍ ସରପଞ୍ଚଙ୍କୁ ଉଚିତ୍ ନ୍ୟାୟ ମିଳିବା ଦାବିରେ ରାୟଗଡା ଥାନା ପରିସର ମଧ୍ୟରେ ଶାନ୍ତିପୂର୍ଣ୍ଣ ଧାରଣା ଦେଇଥିଲେ ।
ଅତିରିକ୍ତ ଆରକ୍ଷୀ ଅଧିକ୍ଷକ ଅମୂଲ୍ୟ କୁମାର୍ ଧର, sdpo ରଶ୍ମି ରଞ୍ଜନ ସେନାପତି, ଥାନା ଆଇ.ଆଇ.ସି କେ.କେ.ବି.କେ କହଁର ବୁଝାସୁଝା କରିବା ପରେ ଧାରଣାରୁ ଉଠିଥିଲେ। ଆଗାମି ୪/୫ ଦିନ ମଧ୍ୟରେ ଚରମ ନିଷ୍ପତି ନିଆଯିବ ବୋଲି ପ୍ରତିଶ୍ରୁତି ଦେଇଛନ୍ତି ପୁଲିସ୍ । ଆଜିର ଏହି ଧାରଣାରେ ବହୁଜନ ସମାଜ ପାର୍ଟି ଜିଲ୍ଲା ସଭାପତି ଜିତୁ ଜାକାସିକା, ପୁର୍ବତନ ଜିଲ୍ଲା ପରିଷଦ ଅଧ୍ୟକ୍ଷ ଗଙ୍ଗାଧର ପୁଆଲ୍ଲା , ରାୟଗଡା ବିଧାନ ସଭା ବିଧାୟିକା ପ୍ରାର୍ଥୀନୀ ଶ୍ରୀମତୀ ଅନୂଷୟା ମାଝୀ, ଜିଲ୍ଲା ପରିଷଦ ଅଧ୍ୟକ୍ଷା ସରସ୍ଵତୀ ମାଝୀ, ଭୂଷଣ ବିଡିକା,ସରପଞ୍ଚ ମହାସଂଘର ସଭାପତି ତଥା ହାଲୁଆ ସରପଞ୍ଚ ଶ୍ରୀଯୁକ୍ତ ତାମାରାଓ ବିଡ଼ିକା ପ୍ରମୁଖ ଉପସ୍ଥିତ ଥିଲେ ।
