ରିପୋର୍ଟ : ବିରଞ୍ଚି ପ୍ରସାଦ ଶତପଥୀ
ଗୁଣପୁର, (୨୨/୨) : ସରସ୍ଵତୀ ଶିଶୁ ବିଦ୍ୟା ମନ୍ଦିର ଗୁଣପୁରରେ ଶିଶୁ ବାଟିକା ଘର ହିଁ ବିଦ୍ୟାଳୟ ପ୍ରକଳ୍ପ ର ୧ମ ପର୍ଯ୍ୟାୟ ଯଥାରୀତି ଅନୁଷ୍ଠିତ ହୋଇଯାଇଛି । 
ଅନୁଷ୍ଠାନର ପ୍ରଧାନ ଆଚାର୍ଯ୍ୟ ପ୍ରଫୁଲ୍ଲ କୁମାର ଶତପଥୀ ଉଦ୍ଦେଶ୍ୟ ପ୍ରତିପାଦନରେ ଶିଶୁଙ୍କ ବାଲ୍ୟ ଅବସ୍ଥାରେ ଉପଯୁକ୍ତ ସଂସ୍କାର ଓ ଔନପଚାରିକ ଶିକ୍ଷା ତଥା ଯୌଥ ପରିବାରର ଆବଶ୍ୟକତା ଯାହା କି ପ୍ରଥମେ ଘରେ ହିଁ ଆରମ୍ଭ ହୋଇଥିବାରୁ ଘର ହିଁ ବିଦ୍ୟାଳୟ ପ୍ରକଳ୍ପର ଯଥାର୍ଥତା ବିଷୟରେ ଆଲୋକପାତ କରିଥିଲେ । ଅନୁଷ୍ଠାନର ସମ୍ପାଦକ ସୋମନାଥ ଗୌଡ ବିଦ୍ୟାଳୟ ପୂର୍ବରୁ ଶିଶୁଙ୍କ ଘରେ ଉପଯୁକ୍ତ ଶିକ୍ଷା ବିଷୟରେ ନୂତନ ମାତୃ ମଣ୍ଡଳୀଙ୍କୁ ମାର୍ଗ ଦର୍ଶନ କରିଥିଲେ । ଅନୁଷ୍ଠାନର ଉପସଭାପତି ମୋହନ ଚନ୍ଦ୍ର ସାହୁ ଓ ସଦସ୍ୟା ପ୍ରତିଭା ରଥ ଉପସ୍ଥିତ ରହି କାର୍ଯ୍ୟକ୍ରମ ତଦାରଖ କରିଥିଲେ ।
ଆଚାର୍ଯ୍ୟା ବିଶ୍ୱ ଭାରତୀ ମହାରଣା ସଂଯୋଜନା କରିଥିବାବେଳେ ଆଚାର୍ଯ୍ୟ ମନୋଜ କୁମାର ମହାରଣା ଅତିଥି ପରିଚୟ ପ୍ରଦାନ କରିଥିଲେ । ସ୍ଥାନୀୟ ଅଞ୍ଚଳର ଜଣେ ଆଦର୍ଶ ଶିକ୍ଷକ ତଥା ପୂର୍ବତନ ସଂପାଦକ ବସନ୍ତ କୁମାର ମିଶ୍ର ମୁଖ୍ୟ ବକ୍ତା ଭାବେ ଯୋଗଦେଇ ଶିଶୁ ଶିକ୍ଷାର ଭାରତୀୟ ଓ ପାଶ୍ଚାତ୍ୟ ସଂକଳ୍ପନା ଓ ଶିଶୁ ଶିକ୍ଷାରେ ବର୍ତ୍ତମାନ ସ୍ଥିତି ବିଷୟରେ ବକ୍ତବ୍ୟ ପ୍ରଦାନ କରିଥିଲେ । ମାତୃ ମଣ୍ଡଳୀଙ୍କ ମଧ୍ୟରେ ଏକ ସହଜ ଓ ସରଳ କ୍ରିୟା କଳାପ ଆଧାରିତ ଶୈକ୍ଷିକ କାଳାଂଶ ହୋଇଥିଲା ।
